Bu ilin yanvar-iyul aylarında Azərbaycanda 8 milyard 797,2 milyon manat dəyərində kənd təsərrüfatı məhsulları istehsal edilib.

"Report" Dövlət Statistika Komitəsinə istinadən xəbər verir ki, bu, ötən ilin eyni dövrü ilə müqayisədə 2,8 % çoxdur.

Hesabat dövründə heyvandarlıq məhsullarının istehsalı 2,4 %, bitkiçilik məhsullarının istehsalı isə 3,2 % çoxalıb. Məhsulun 50,6 %-i bitkiçiliyin, 49,4 %-i heyvandarlığın payına düşür.

Yanvar-iyun dövründəki 2,2 %-lik göstərici iyul ayının sonuna 2,8 %-ə yüksəlib və bunu bitkiçilik təmin edib. Bu sahədə artım 1,8 %-dən 3,2 %-ə çatıb, heyvandarlıqda isə artım tempi 2,5 %-dən 2,4 %-ə düşüb.

Hesabat dövründə diri çəkidə 348,2 min ton ət, 1 milyon 317,3 min ton süd, 1 milyard 426,3 milyon ədəd yumurta, 13,5 min ton yun, 155,8 ton barama istehsal olunub. 1 il əvvələ nisbətən ət istehsalı 3,8 %, süd istehsalı 0,1 %, yumurta istehsalı 0,7 % artıb, yun istehsalı 1,9 %, barama istehsalı isə 16,5 % azalıb.

Oxşar xəbərlər

Prezident İlham Əliyevin sədrliyi ilə kənd təsərrüfatı məsələlərinə həsr olunmuş müşavirə keçirilib

Xocalıda 34 ildən sonra ilk dəfə barama tədarük edilib

Prezident İlham Əliyev Şamaxıda "Şirvan Aqro" heyvandarlıq kompleksinin açılışında iştirak edib

İİTKM rəsmisi: "Yeni Dövlət Proqramı aqrar sektorda bütöv dəyər zəncirinin qurulmasına xidmət edir"

Dövlət-özəl tərəfdaşlığı: Aqrar sektorun inkişafında yeni mərhələ - TƏHLİL