Azərbaycan Mərkəzi Bankı (AMB) bu il iyunun 22-də fəaliyyətini Bakı şəhəri, Nizami rayonu, Heydər Əliyev prospekti, 167 ünvanında yerləşən yeni inzibati binada davam etdirməsi fonunda digər inzibati binaları ilə bağlı vəziyyətə aydınlıq gətirib.

Qurumdan "Report"un sorğusuna cavab olaraq bildirilib ki, "Mərkəzi Bank haqqında" qanunun 2.2-ci maddəsinə əsasən AMB müstəqil balansa, nizamnamə fonduna və digər əmlaka malikdir.

Balansda olan əmlaka Mülki Məcəlləyə uyğun olaraq sahiblik, istifadə və sərəncam hüquqları həyata keçirilir. Qanunla nəzərdə tutulmuş hallar istisna olmaqla, AMB-nin razılığı olmadan fondunun və digər əmlakının özgəninkiləşdirilməsinə yol verilmir.

Həmin qanunun 6.2-ci maddəsinə əsasən AMB iqtisadi müstəqilliyə malik olmaqla aktivlərinin satışından və yaxud onlara digər tərzdə sərəncam verilməsindən daxil olan vəsaitlər onun gəlirlərinə aid edilir. AMB-nin yeni izibati binasına köçmə prosesi ilə əlaqədar texniki işlərin tam başa çatdırılmaması ilə əlaqədar olaraq balansda olan digər inzibati binalarla bağlı hər hansı qərar qəbul edilməyib.

Oxşar xəbərlər

Heydər Əliyev Fondunun dəstəyi ilə alınan musiqi alətlərinin təqdimatı olub

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Prezident İlham Əliyev Bakı Enerji Həftəsinin rəsmi açılış mərasimində iştirak edib