"Rasim Adilovla döyüşüm çox çətin olub. O döyüşdə üç dəfə az qala yuxuya gedirdim. Boğurdu. Haradasa 40-50 dəfə zərbə vurdu. O da bir ay qabaq yuxuda görmüşdüm ki, belə situasiya olacaq. Artyom Yemelyanovla da döyüşdə elə olmuşdu. Gözlərimdən yaş axırdı. Ayağımı sındırırdı... Hər iki döyüşdə Allahla danışırdım. Deyirdim, "Ay Allah, sönməyim, sönməyim".

BAKU.WS xəbər verir ki, bunu Oxu.Az-a videomüsahibəsində "ONE Championship"in yeni çempionu Elbəy Alışov deyib.

11 peşəkar döyüş keçirən və bütün görüşlərdən qalib ayrılan azərbaycanlı MMA döyüşçüsü son qarşılaşmasında Enx-Orgil Baatarkhuunu (Monqolustan) məğlub edərək çempionluq kəmərinə sahib çıxıb.

Videomüsahibədə Elbəy Alışov çempionluq döyüşündən, nokautla qələbəsindən və 11:0-lıq məğlubiyyətsiz rekordundan danışıb.

Azərbaycanlı döyüşçü ilə söhbət zamanı onun UFC-yə keçid ehtimalına da toxunulub. Alışov UFC-dən təklif alacağı təqdirdə necə qərar verəcəyindən və karyerasında qarşısına qoyduğu böyük hədəflərdən danışıb.

Müsahibədə, həmçinin Alışovun çempionluğa gedən yolu, döyüşçü kimi keçdiyi çətinliklər, Azərbaycanda MMA-nın inkişafı və gələcək planları barədə maraqlı fikirlər səsləndirilib.

Oxşar xəbərlər

İlham Əliyev Şuşanın Kiçik Qaladərəsi kəndində görülən işlərlə tanış olub və kəndə qayıdan sakinlərlə görüşüb - YENİLƏNİB

Xalq artisti Rasim Balayev dəfn olundu

İlham Əliyev Avropa çempionatında komanda hesabında çempion olan güləşçiləri qəbul edib

Xalq artisti Rasim Balayevlə vida mərasimi başa çatıb

Prezident İlham Əliyev Xocavəndin Quzeyxırman kəndində olub - YENİLƏNİB