Nepalın şimalında daşqın nəticəsində ölənlərin sayı 900 nəfəri keçib, təxminən 4,2 min nəfər itkin düşmüş hesab olunur.

"Report" xəbər verir ki, bu barədə Nepalın Fəlakət Risklərinin Azaldılması və Nəticələrinin Aradan Qaldırılması üzrə Milli İdarəsi məlumat yayıb.

"903 həlak olanın meyiti tapılıb", - idarənin hesabatında bildirilir.

Məlumata görə, 10 461 nəfər xilas edilib. İtkin düşənlər arasında 592 əcnəbi var.

Bundan başqa, hidroenergetika obyektlərinin ən azı 933 işçisi tunellərdə qala bilər.

30 avqust, 19:00

Nepalda güclü torpaq sürüşməsi qurbanlarının sayı 788 nəfərə çatıb.

"Report" xəbər verir ki, bu barədə yerli polisə istinadən CNN məlumat yayıb.

Bazar günü axşam saatlarına olan məlumata görə, 2742 nəfər xəsarət alıb.

Çin rəsmiləri 16 nəfərin öldüyünü bildirib. Beləliklə, Çin-Nepal sərhədində daşqın və güclü torpaq sürüşməsi nəticəsində ölənlərin ümumi sayı 804 nəfər təşkil edib.

30 avqust, 14:02

Nepal və Çində daşqınlar nəticəsində ölənlərin sayı 760 nəfəri keçib, daha 3 000-dən çox insan itkin düşüb.

"Report" xəbər verir ki, bu barədə CNN məlumat yayıb.

Çin hakimiyyəti 16 ölüm hadisəsi barədə məlumat verib, 546 nəfər itkin düşüb, onlardan 261 nəfəri 23 ölkədən olan əcnəbilərdir.

Son məlumata görə, Nepalda 752 nəfər ölüb, 2 502 nəfər itkin düşüb, o cümlədən təxminən 600-ü əcnəbi olmaqla 8 730 nəfər xilas edilib.

Nepalda müxtəlif su elektrik stansiyalarında çalışan 930 işçi də fəlakət bölgəsində itkin düşüb. Çin və Hindistandan xilasetmə qrupları dünən köməyə gəlib. Trisuli çayının yaxınlığında işçilər yeraltı tunellərdə ilişib qalıblar.

Xilasedicilər ağır texnikadan istifadə edərək dağıntıları təmizləyir və katakombalara oksigen və işıq gətirmək və insanlara yemək çatdırmaq üçün quyular qazırlar.

30 avqust, 09:17

Nepalda daşqınlar nəticəsində ölənlərin sayı 734 nəfərə çatıb.

"Report"un məlumatına görə, ölkənin Fəlakətlərin Fəsadlarının Aradan Qaldırılması üzrə Milli İdarəsi (NDMA) bu barədə "X" sosial şəbəkəsində bildirib.

"734 meyit tapılıb", - idarənin hesabatında deyilir.

Daha əvvəl 675 nəfərin öldüyü xəbər verilib.

Bundan əlavə, xilasedicilər 227 xarici vətəndaş da daxil olmaqla, təxminən 8 200 nəfəri təxliyə edə biliblər.

Həmçinin təxminən 580 xarici vətəndaş da daxil olmaqla, təxminən 2 500 nəfər itkin düşüb. Xilasetmə işlərində təhlükəsizlik xidmətinin 19 800-dən çox işçisi iştirak edir.

Oxşar xəbərlər

Braziliya, Polşa, Çin, Nepal, Hindistan, BƏƏ, Fransa və Tunis vətəndaşları Azərbaycana təxliyə olunub

Nepal və Çində daşqın qurbanlarının sayı 800-ü keçib - YENİLƏNİB-2

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN