Dünən axşam yağan intensiv yağışlar nəticəsində təxminən 15 təsərrüfat sahəsinə ziyan dəyib, heyvanlar tələf olub.

"Report"un yerli bürosu xəbər verir ki, bunu Ordubad rayonu Dırnıs kənd ərazi dairəsi üzrə nümayəndə Əhməd Hüseynov jurnalistlərə açıqlamasında deyib.

O qeyd edib ki, sel nəticəsində mal-qaraya, avtomobillərə və digər texnikalara ziyan dəyib:

"Bir təsərrüfatda 5-6 baş heyvanın tələf olduğu bildirilir. Hadisədən dərhal sonra aidiyyəti qurumlar tərəfindən əraziyə texnikalar cəlb olunub. Selin dayanmasından sonra yollara yığılan qum və çınqılın təmizlənməsi, məhəllələrə gedən yolların açılması istiqamətində işlər görülüb. Hazırda ərazidə fəsadların aradan qaldırılması tədbirləri davam etdirilir. Qaz və elektrik təchizatı infrastrukturuna ziyan dəyməyib. Bir neçə ərazidə rabitə xətlərində yaranan problemlər də aidiyyəti qurumlar tərəfindən aradan qaldırılır".

11:53

Naxçıvan Muxtar Respublikası (MR) Ordubad rayonunun Dırnıs və Kələki kəndlərindən ötən gecə keçən sel ciddi fəsadlar törədib.

"Report"un yerli bürosu xəbər verir ki, güclü yağışların ardınca gələn sel sözügedən kəndlərdə təsərrüfat sahələrinə və şəxsi nəqliyyat vasitələrinə ziyan vurub.

Hadisənin vurduğu ziyanın miqyası ilə bağlı əlavə məlumat verilməyib.

Oxşar xəbərlər

VII çağırış Milli Məclisin deputatları - SİYAHI

Milli Məclisə seçkilərdə lider namizədlərin adları açıqlanıb - YENİLƏNİB

Nazir bu müəllimləri təltif edildi - ADLAR

Şəhidlər xiyabanına xalq ziyarəti axşam saatlarında da davam edir

FHN tərəfindən "Yaz-yay fəsillərində sel təhlükəsi" mövzusunda növbəti tədbirlər keçirilib