Azərbaycan Respublikasının Prezidenti İlham Əliyev Bişkekdə Şanxay Əməkdaşlıq Təşkilatının (ŞƏT) Sammiti çərçivəsində avqustun 31-də Ermənistan Respublikasının baş naziri Nikol Paşinyanla görüş keçirib. Görüşdə iki ölkə arasında münasibətlərin normallaşdırılması, nəqliyyat bağlantılarının yaradılması, sərhədlərin delimitasiyası, iqtisadi və enerji əməkdaşlığının genişləndirilməsi ilə bağlı məsələlər müzakirə olunub.

Azərbaycan-Ukrayna parlamentlərarası əlaqələr üzrə işçi qrupunun üzvü, deputat Hikmət Babaoğlu görüşün nəticələrini Baku TV-yə şərh edib.

Deputat bildirib ki, görüşdə nəqliyyat bağlantılarının yaradılması ilə bağlı növbəti praktiki addımların müzakirə olunması diqqət çəkir:

"Burada əsas məsələ bağlantılar məsələsidir. Bu bağlantıların cəm formada ifadə olunması təsadüfi deyil. Çünki söhbət bir neçə istiqaməti əhatə edən marşrutdan gedir. Zəngəzur dəhlizi vasitəsilə Azərbaycan-Ermənistan bağlantısı, daha sonra Naxçıvan istiqaməti və yenidən Azərbaycan-Ermənistan marşrutu nəzərdə tutulur".

H.Babaoğlu qeyd edib ki, hazırda tərəflər yalnız müəyyən məsələlərin razılaşdırılmasından deyil, onların praktiki icrasından danışırlar.

"Biz artıq nəyinsə razılaşdırılmasından daha çox, razılaşdırılan məsələlərin icrasından danışırıq. Məsələn, üçüncü ölkələrdən daşınan yüklərin Azərbaycan ərazisindən keçməklə Ermənistana göndərilməsi artıq real prosesdir. Sərhədlərin delimitasiyası istiqamətində görülən işlər də bu prosesin tərkib hissəsidir", - deyə deputat vurğulayıb.

Oxşar xəbərlər

Milli Məclisin parlamentlərarası əlaqələr üzrə işçi qruplarına rəhbərlər seçilib - SİYAHI

Bişkekdə TDT ölkələri hökumət başçılarının iclası olub, Birgə Bəyanat qəbul edilib

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

Prezident İlham Əliyev Bakı Enerji Həftəsinin rəsmi açılış mərasimində iştirak edib

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3