Çinli UFC döyüşçüsü Sonq Yadonq Şanxayda keçirilən UFC Fight Night 286 turnirində Umar Nurmaqomedovu nokauta saldıqdan sonra onun qardaşı Usman Nurmaqomedovla yaşanan insident barədə ilk dəfə danışıb.

BAKU.WS xəbər verir ki, Yadonqun sözlərini "Home of Fight" sosial şəbəkə hesabında yayıb.

"Video görüntülərə baxanda məlum olur ki, o, dirsək zərbəsi endirmək və ya buna bənzər hərəkət etmək üçün dönür. İnternetdə onun mənə qəsdən hücum etmək istədiyi yazılırdı. Amma o, sadəcə mənim onun üzərinə gələcəyimi düşünüb. O, qardaşının vəziyyətini yoxlamaq üçün irəli getmişdi. Sonra isə qəfildən kimsə birbaşa sənin üzərinə qaçırsa, əlbəttə ki, belə reaksiya verəcəksən", - deyə Yadonq bildirib.

Döyüş ikinci raundda başa çatıb. Çinli idmançı əks-hücum zamanı Umar Nurmaqomedovu qulağının bir qədər aşağı hissəsinə dəqiq zərbə ilə nokauta salıb.

Bundan sonra Usman Nurmaqomedov qardaşının vəziyyətini yoxlamaq üçün baryeri keçərək oktaqona daxil olub. Məhz həmin vaxt o, qələbəsini qeyd edən Yadonqla qarşılaşıb və tərəflər arasında qısa müddətli qarşıdurma yaşanıb.

30 yaşlı Usman Nurmaqomedov 2021-ci ildən UFC-də çıxış edir. Onun bu təşkilatda 8 qələbəsi və 2 məğlubiyyəti var. 28 yaşlı Sonq Yadonq isə UFC-də debütünü 2017-ci ildə edib. Çinli döyüşçünün təşkilatda 13 qələbəsi, 4 məğlubiyyəti və 1 heç-heçəsi mövcuddur.

Oxşar xəbərlər

"UFC Fight Night Baku": İlkin döyüşlər başa çatıb, Fərman Həsənov qələbə qazanıb - YENİLƏNİB-6

"UFC Fight Night Baku": Gecənin ikinci əsas döyüşündə Maqomedov Pereyranı məğlub edib - YENİLƏNİB-4

"UFC Fight Night Baku": Nazim Sadıxov məğlub olub - YENİLƏNİB-3

Arzu Əliyeva və Alena Əliyeva "Rənglərdə yaşanan 10 il" mövzusunda keçirilən sərgidə iştirak ediblər

"UFC Fight Night Baku": Türkiyə təmsilçisi Abdul Rahman Yahyaev nokautla qələbə qazanıb - YENİLƏNİB-5