ABŞ Prezidenti Donald Trampın xüsusi nümayəndəsi Stiv Uitkoff ötən həftəsonu Birləşmiş Ərəb Əmirliklərinin (BƏƏ) milli təhlükəsizlik məsələləri üzrə müşaviri, şeyx Tahnun bin Zayed Al Nəhyanla görüşərək İranla bağlı atılacaq növbəti addımları müzakirə edib.

"Report" xəbər verir ki, bu barədə "Axios" görüşün gedişatı ilə tanış olan iki mənbəyə istinadən məlumat yayıb.

Nəşrin mənbələrinin bildirdiyinə görə, daha əvvəl ictimaiyyətə açıqlanmayan görüş İtaliyanın Sardiniya adasında keçirilib.

Tərəflər İran ətrafında yaranmış böhranın nizamlanması istiqamətində növbəti addımları, eləcə də bir sıra digər məsələləri müzakirə ediblər.

"Axios"un qeyd etdiyi kimi, Tahnun bin Zayed Al Nəhyan BƏƏ-nin ən nüfuzlu şəxslərindən biridir. O, ölkə Prezidenti Məhəmməd bin Zayed Al Nəhyanın qardaşı və milli təhlükəsizlik məsələləri üzrə müşaviridir. Bundan başqa, Tahnun bin Zayed Əbu-Dabinin hakim müavini vəzifəsini tutur.

O, həmçinin BƏƏ-nin investisiya və texnologiya maraqlarının əhəmiyyətli hissəsinə nəzarət edir.

Ağ Ev şərh üçün göndərilən sorğuya cavab verməyib.

Oxşar xəbərlər

İlham Əliyev Şeyx Məhəmməd bin Zayed Al Nəhyana Qarabağ atı hədiyyə edib

Azərbaycanın və BƏƏ prezidentləri Əbu-Dabidə "Sülh Qalxanı – 2026" birgə əməliyyat-taktiki təlimini izləyiblər

Əbu-Dabidə Azərbaycan Prezidenti İlham Əliyevin Birləşmiş Ərəb Əmirliklərinin Prezidenti ilə görüşü olub

Leyla Əliyeva Luvr Əbu-Dabi muzeyini və İbrahim Ailə Evini ziyarət edib

ABŞ Prezidenti Donald Trampın təşəbbüsü ilə yaradılan Sülh Şurası təsis edilib