​Gürcüstan telekanalının aparıcısı Nana Nebieridze Qarabağa səfəri çərçivəsində Azərbaycanın azad edilmiş ərazilərində aparılan genişmiqyaslı bərpa işləri və Xankəndi şəhəri haqqında təəssüratlarını bölüşüb.

Teleaparıcı "Far.Az"a müsahibəsində Azərbaycana ilk dəfə 10 il öncə gəldiyini və hazırda ölkənin tamamilə fərqli göründüyünü qabardıb.

"​Bu gün səhər Qarabağa tərəf hərəkət edərkən ikili hisslər keçirirdim. Sol tərəfdə yanmış evlər, məhv edilmiş torpaqlar görürdük - bu mənim üçün, həqiqətən, şok idi", - o bildirib və əlavə edib ki, sağ tərəfdə isə tamamilə yeni şəhərlər var idi.

N. Nebieridze Azərbaycandakı "ağıllı kəndlər"in heç Avropada olmadığını müzakirə etdiklərini də deyib:

"Ağır və amansız müharibənin baş verdiyi bir regionda bu qədər qısa müddətdə bütün bunları təşkil etmək, tikmək və reallaşdırmaq çox həyəcanverici və təsiredicidir.

​Üstəlik, burada necə müsbət bir enerjinin olduğu dərhal hiss olunur. Bütün azərbaycanlılara, paytaxt Bakının qonaqlarına və bütün dünyaya müraciət etmək istəyirəm: əgər sakitliyin nə olduğunu hiss etmək, bu möhtəşəm təbiətdən və pozitivlikdən həzz almaq istəyirsinizsə, mütləq bura gəlməlisiniz.

Sizin ən müdrik insanınıza - cənab Prezident İlham Əliyevə valehəm. O insan ki, atasına söz verib və vədini yerinə yetirib.

​Xahiş edirəm, bilin və əmin olun ki, Gürcüstan və gürcülər sizi çox sevir. Sırf strateji tərəfdaş və ya qonşu olduğumuza görə deyil - biz sizi sadəcə qəlbdən sevir və sizə dərin hörmət edirik".

Oxşar xəbərlər

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib