İndoneziya hökuməti Anak-Krakatau vulkanının püskürməsindən sonra vulkanik külün yayılması səbəbindən səkkiz aeroportun müvəqqəti bağlanma vaxtını saat 24:00-a (Bakı vaxtı ilə 21:00) qədər uzadıb.

"Far.Az" yerli mediaya istinadən xəbər verir ki, bu barədə ölkənin nəqliyyat naziri Dudi Purvaqandi məlumat verib.

Onun sözlərinə görə, qərar uçuşların təhlükəsizliyinin təmin edilməsi məqsədilə qəbul edilib.

O əlavə edib ki, Nəqliyyat Nazirliyi vulkanın fəallığını və vulkanik külün yayılmasını, həmçinin onların hava məkanına və aeroportların fəaliyyətinə təsirini izləməyə davam edir.

"Monitorinqin nəticələrinə əsasən, zərər görmüş səkkiz aeroportun bağlanma vaxtı saat 24:00-a qədər uzadılıb", - Purvaqandi bildirib.

Siyahıya Tanqeranqdakı Sukarno-Hatta, Cakartadakı Halim Perdanakusuma, Lampunqdakı Radin İnten II, Bandunqdakı Hüseyn Sastraneqara, Çuruqdakı Budiarto, Cənubi Tanqeranqdakı Pondok-Kabe, Pesisir-Baratdakı (Lampunq əyaləti) Taufik Kiemas və Paqar-Alamdakı (Cənubi Sumatra əyaləti) Atunq Bunqsu aeroportları daxil edilib.

Oxşar xəbərlər

İndoneziyada vulkana görə hava limanı işini dayandırıb

Sahil qəsəbəsi yaxınlığında vulkan püskürüb - Nazirlik helikopteri havaya qaldırdı

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib