"Yaşıl enerji"yə keçid prosesi tək bizim ölkənin deyil, bütövlükdə region əhalisinin və təbiətin qorunmasına xidmət edəcək.

"Report" xəbər verir ki, bunu Çinin Enerji Fondunun nümayəndəsi Jing Hui COP29 çərçivəsində "Ətraf mühitin birgə istifadəsi: İqlim dəyişikliyi və mədəni irsin qorunması üzrə submilli addımlar" mövzusunda keçirilən tədbirdə deyib.

"Bizim əsas məqsədimiz ölkəmizdə karbon emissiyalarının azaldılması üzrə təcrübəni digər dövlətlərə paylaşmaqdan ibarətdir. İqlim dəyişikliyi ilə mübarizə sahəsində həyata keçirilən mexanizmlər nəticəsində ölkəmizdə bir sıra dövlət proqramları irəli sürülüb. Şanxay bölgəsi vacib enerji mərkəzidir. Burada kömür hasil edən mədənlər mövcuddur. Çin bu regionda həyata keçirilən tədbirlər nəticəsində 2030-cu ildə ölkənin ekoloji cəhətdən təmiz enerji ilə təchizat səviyyəsini 60 faizə çatdırmağı hədəfləyir", - o qeyd edib.

BMT-nin İqlim Dəyişmələri üzrə layihə rəhbərlərindən Yuanfeng Vu isə Çində bu sahədə görülən tədbirlərdən danışıb:

"Biz müxtəlif sahələrdə karbon kommunikasiyalarının həyata keçirilməsinə çalışırıq. Vaxtaşırı müxtəlif universitetlər, məktəblər, eləcə də bir sıra iş yerlərində ağacəkmə və təbiəti mühafizə aksiyaları keçiririk. Hesab edirik ki, iqlim dəyişikliyinə qarşı görüləcək tədbirlər məhz yaşıllaşdırma və "yaşıl iqtisadiyyat"a üstünlük verilməsindən başlamalıdır".

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Prezident İlham Əliyev Cəbrayıl şəhərində inşa olunan yaşayış kompleksinin açılışında iştirak edib - YENİLƏNİB-2

XİN başçısı BMT BA-nın 79-cu sessiyasında çıxış edib - YENİLƏNİB

“COP29 üçün effektiv kommunikasiya strategiyaları” mövzusunda media seminarı keçirilib - YENİLƏNİB

VII çağırış Milli Məclisin ilk iclası keçirilib, Prezident İlham Əliyev toplantıda iştirak edib və nitq söyləyib - YENİLƏNİB-3