ABŞ Prezidenti Donald Tramp İranla müharibənin həlledici mərhələyə çatdığını bildirib. O, münaqişəyə son qoymaq məqsədilə genişmiqyaslı hərbi əməliyyatların yenidən başladılıb-başladılmayacağına qərar veriləcəyini açıqlayıb.

Far.Az xəbər verir ki, Tramp bu barədə "Axios"a müsahibəsində danışıb.

ABŞ lideri İran rejiminin məhv edilib-edilməməsi ilə bağlı mühüm qərar qarşısında olduğunu bildirib.

Onun açıqlaması Nyu-Yorkda BMT Baş Assambleyası çərçivəsində Səudiyyə Ərəbistanı, Birləşmiş Ərəb Əmirlikləri, Qətər, Bəhreyn, Küveyt və Oman liderləri ilə planlaşdırılan görüşdən əvvəl səsləndirilib. Görüşdə İranla münaqişənin növbəti mərhələsi və müharibədən sonrakı strategiya müzakirə olunacaq.

Trampın sözlərinə görə, ABŞ-ın Yaxın Şərqdəki qüvvələri ilin sonuna qədər mümkün eskalasiyaya hazır vəziyyətdə saxlanılacaq. Ağ Ev isə İranın qarşısının alınması və regionda yeni siyasi düzənin formalaşdırılması ilə bağlı strategiya üzərində işləyir.

Qeyd edək ki, ABŞ daha əvvəl İranın cavab zərbələrinin Səudiyyə Ərəbistanı və Qətərin enerji infrastrukturuna təhlükə yarada biləcəyi ilə bağlı narahatlıqlardan sonra genişmiqyaslı hücumları təxirə salmışdı.

Oxşar xəbərlər

ABŞ Prezidenti Donald Trampın təşəbbüsü ilə yaradılan Sülh Şurası təsis edilib

Mehriban Əliyeva BMT Baş Assambleyası çərçivəsində xüsusi sessiyada iştirak edib

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Leyla Əliyeva və Arzu Əliyeva Nyu-Yorkda sərgidə iştirak ediblər

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib