Şimali Koreya Rusiyanın Ukraynadakı hərbi əməliyyatlarına canlı qüvvə və silah-sursat dəstəyi verməkdə davam edir. Birləşmiş Millətlər Təşkilatının (BMT) və müxtəlif media qurumlarının açıqladığı son məlumatlara əsasən, minlərlə KXDR vətəndaşı Rusiyanın strateji obyektlərində, o cümlədən hərbi dronların yığılmasında fəal iştirak edir.

Far.Az "Euronews"a istinadən xəbər verir ki, BMT Təhlükəsizlik Şurasının Çoxtərəfli Sanksiyalar Monitorinq Qrupunun (MSMT) hesabatına görə, 2025-ci ilin sonuna olan məlumata əsasən Rusiyada 15000 ilə 30000 arasında Şimali Koreyalı işçi qeydə alınıb.

Onların 1000-ə yaxını bilavasitə müdafiə sənayesi, polad tökmə və gəmiqayırma zavodları kimi strateji əhəmiyyətli obyektlərə cəlb olunub.

Qeyd olunur ki, bu işçilərin qazandığı əməkhaqqının böyük hissəsi Kim Çen In rejimi tərəfindən müsadirə edilir.

"Ukrainska Pravda" və "Current Time" layihələrinin araşdırmalarında vurğulanır ki, Tatarıstandakı Alabuqa xüsusi iqtisadi zonası Şimali Koreya işçi qüvvəsinin əsas toplandığı məntəqəyə çevrilib.

Məlumata görə, 25 minə qədər KXDR vətəndaşı burada İranın "Shahed" dronlarının Rusiya versiyalarının yığılmasında çalışır.

Bu PUA-lardan Rusiyanın Ukrayna şəhərlərinə və mülki infrastrukturuna hücumlarında istifadə edilir.

Məlumata görə, 2025-ci ildə Rusiya tərəfindən KXDR vətəndaşlarına verilmiş 36 400-dən çox vizanın 35 800-ü məhz tələbə vizası olub.

Oxşar xəbərlər

Prezident İlham Əliyev Əfv Sərəncamı imzalayıb

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2