Xorvatiyanın paytaxtı Zaqrebdə Azərbaycan mədəniyyətinin, milli rəqslərinin və musiqi irsinin təqdim olunduğu xüsusi konsert proqramı keçirilib.

"Far.Az"un Balkan bürosu xəbər verir ki, Zaqrebdəki Vatroslav Lisinski konsert zalında Azərbaycan Dövlət Rəqs Ansamblının iştirakı ilə Azərbaycan musiqisi və rəqs sənətinə həsr olunmuş gecə təşkil olunub.

Tədbirdə Azərbaycanın Mədəniyyət naziri Adil Kərimli və onun rəhbərlik etdiyi nümayəndə heyəti iştirak edib.

Konsert proqramında Azərbaycanın zəngin folklor və rəqs ənənələri ilə yanaşı, milli musiqi irsi ilə cazın sintezini nümayiş etdirən əsərlər təqdim olunub. Azərbaycanın tanınmış musiqiçiləri Emil Əfrasiyab və Ənvər Sadıqov da çıxış ediblər.

Zaqrebdəki proqramda ənənəvi Azərbaycan xalq rəqsləri ilə yanaşı, görkəmli Azərbaycan bəstəkarlarının musiqilərinə qurulmuş xoreoqrafik əsərlər də nümayiş olunub.

Azərbaycan mədəniyyəti gecəsində, həmçinin xalq artisti Tünzalə Ağayeva, Elnur Hüseynov və Samirə Əfəndi də çıxış ediblər.

Xatırladaq ki, ötən gün Zaqrebdə Xorvatiya ilə Azərbaycan arasında iqtisadi əməkdaşlığın həyata keçirilməsi və təşviqi üzrə Birgə Komissiyanın 4-cü iclası keçirilib.

Oxşar xəbərlər

Vətən müharibəsində Qələbənin beşinci ildönümünə həsr olunmuş Hərbi parad keçirilib

Bakıda Birinci Türkoloji Qurultayın 100 illiyinə həsr olunmuş "Türk Dünyası Həftəsi"nin açılış mərasimi olub

Prezident İlham Əliyev Xankəndidə əsaslı şəkildə yenidən qurulmuş Mədəniyyət Mərkəzinin açılışında iştirak edib

Leyla Əliyeva "Onlardan biri: Emil" adlı anım tədbirində iştirak edib

Heydər Əliyev Fondunun dəstəyi ilə alınan musiqi alətlərinin təqdimatı olub