Qubada güləş məşqçilərinin ümumrespublika seminarı keçirilib.

"Far.Az" xəbər verir ki, tədbirdə Quba ilə yanaşı, Xaçmaz, Qusar, Siyəzən və Şabran rayonlarının güləş üzrə məşqçi-müəllimləri iştirak ediblər.

Seminarın nəzəri hissəsində ilk olaraq Quba-Xaçmaz Regional Gənclər və İdman İdarəsinin rəis müavini Mustafa Nuhbalayev çıxış edərək, belə tədbirlərin mütəmadi keçirilməsinin ölkədə güləşin daha da inkişaf etməsi üçün böyük əhəmiyyət daşıdığını deyib.

Azərbaycan Güləş Federasiyasının (AGF) Hakimlər Kollegiyasının sədri Qərib Əliyev AGF-nin bu idman növündə kəmiyyət və keyfiyyət artımına nail olmaq üçün atdığı addımlardan danışıb.

Sərbəst güləş üzrə U-20 millinin məşqçisi Rövşən Hacıyev və yunan-Roma güləşi üzrə yığmanın məşqçisi Elvin Mürsəliyev həmkarlarıyla təcrübələrini bölüşüblər. Daha sonra l-S kateqoriyalı hakim Sədi Quliyev yarışlarda baş tutan görüşlərdə yaranan çətin vəziyyətlərdə verilən qərarları şərh edib.

Seminarın praktiki hissəsində bu bölgənin idmançıları üçün nümunəvi məşq keçirilib. R.Hacıyev sərbəst, E.Mürsəliyev isə yunan-Roma güləşi üzrə fəndlərin dəqiq icrasını nümayiş etdirib.

Qeyd edək ki, güləş məşqçilərinin Ümumrespublika seminarının növbəti mərhələsi noyabrın 18-də Sumqayıt şəhərində keçiriləcək

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

AGF güləş məşqçiləri üçün ümumrespublika seminarı keçirəcək

Fərid Qayıbov: Avqust ayı Azərbaycan idman tarixinə yeni qələbələr, tarixi uğurlar və rekordlarla yazıldı

Zuğulbada yunan-roma güləşi üzrə açıq məşq keçirilib

Bakıda COP29-un Liderlər Sammitinin açılış mərasimi keçirilib - YENİLƏNİB-2