Futbol üzrə İngiltərə yığması Millətlər Liqasının səfər matçında Xorvatiya komandasını 0:7 hesabı ilə darmadağın edib.

"Far.Az" xəbər verir ki, Riyekadakı görüşdə Harri Keyn dubl rəsmiləşdirib (8-ci və 53-cü dəq.), Cud Bellinqem 21-ci, Entoni Qordon 39-cu, Morqan Rocers 87-ci dəqiqələrdə fərqlənib, Bukayo Saka da dubl müəllifi olub (45-ci və 68-ci dəq.).

Görüş 2025-ci ilin martında Millətlər Liqasının Fransaya qarşı matç zamanı xorvatiyalı azarkeşlərin törətdikləri iğtişaşlarla əlaqədar qapalı formatda keçirilib.

İngiltərə yığması sonuncu dəfə 2023-cü ilin iyununda Avropa Çempionatının seçmə mərhələsində Şimali Makedoniyanı 7:0 hesabı ilə məğlub edib. İngiltərə Xorvatiyaya qarşı 14-cü matçını keçirib (doqquz qələbə, iki heç-heçə, üç məğlubiyyət), ingilislər daha əvvəl bu rəqibə 2:0-dan böyük hesabla qalib gəlməyiblər. Ümumilikdə Xorvatiya öz tarixindəki ən böyük məğlubiyyətə uğrayıb.

İngilislər üç matçda altı xal toplayıblar və 3-cü qrupda ikinci yerdədirlər. Xorvatlar üç xalla üçüncü pillədə qərarlaşıblar.

Növbəti matçda İngiltərə oktyabrın 6-da Çexiyanı qəbul edəcək, Xorvatiya isə həmin gün evdə İspaniya ilə oynayacaq.

Oxşar xəbərlər

DÇ-2026: İngiltərə Fransaya 6:4 hesabı ilə qalib gələrək dünya üçüncüsü olub - YENİLƏNİB-11

İngiltərə DÇ-2026-ya Xorvatiya üzərində böyükhesablı qələbə ilə başlayıb - YENİLƏNİB-8

SOCAR-ın təşkilatçılığı, "Neftçi" və "Galatasaray" klublarının tərəfdaşlığı ilə şəhid və qazi övladları üçün "Futbol günü" adlı tədbir keçirilib

DÇ-2026: İngiltərə Norveçə qalib gələrək yarımfinala yüksəlib - YENİLƏNİB-8

Braziliya - Norveç matçını dünya ulduzları tribunadan izləyib