Azərbaycan cüdoçusu Əhməd Yusifov Milli Gimnastika Arenasında keçirilən dünya çempionatında finala vəsiqə qazanıb.

BAKU.WS xəbər verir ki, 60 kq çəkidə mübarizə aparan milli üzvü yarımfinalda Çin Taypeyindən olan Yanq Yunq Veyi məğlub edib.

Ə. Yusifov bu gün finalda Şerzod Davlatovla (Qazaxıstan) qarşılaşacaq.

***

Azərbaycan cüdoçusu Əhməd Yusifov Bakıda keçirilən dünya çempionatında ikinci qələbəsini qazanıb.

BAKU.WS xəbər verir ki, 60 kq çəki dərəcəsində yarışan idmançı 1/8 finalda hindistanlı Harş Sinhi məğlub edib.

Ə.Yusifov 1/4 finalda rusiyalı Ayub Bliyevlə üz-üzə gələcək.

Azərbaycan idmançısı daha əvvəl 1/16 finalda monqolustanlı Tumenjarqal Tuvşinturu məğlub etmişdi.

***14:27

Azərbaycan cüdoçusu Əhməd Yusifov Bakıda keçirilən dünya çempionatında 1/8 final mərhələsinə yüksəlib.

BAKU.WS xəbər verir ki, 60 kq çəki dərəcəsində mübarizə aparan idmançımız 1/16 finalda Monqolustan təmsilçisi Tumenjarqal Tuvşinturu məğlub edib.

Digər cüdoçu Könül Əliyeva da dünya çempionatında 1/8 finala yüksəlib. 48 kq çəki dərəcəsində yarışan idmançı 1/16 finalda çilidən olan Mari Di Varqas Leyi məğlub edib.

K.Əliyevanın növbəti rəqibi rusiyalı Sabina Giliazova olacaq.

***14:20

Azərbaycan cüdoçusu Balabəy Ağayev Bakıda keçirilən dünya çempionatında mübarizəni dayandırıb.

BAKU.WS-in məlumatına görə, 60 kq çəki dərəcəsində yarışan idmançı 1/8 finalda ABŞ-dən olan Conatan Yanqa məğlub olub.

B.Ağayev daha əvvəl Ukrayna təmsilçisi Dilşot Xalmatovu mübarizədən kənarlaşdırmışdı.

***13:44

Azərbaycan cüdoçusu Balabəy Ağayev Bakıda keçirilən dünya çempionatında ilk qələbəsini qazanıb.

BAKU.WS-in məlumatına görə, 60 kq çəki dərəcəsində yarışan idmançı 1/16 finalda Ukrayna təmsilçisi Dilşot Xalmatovu mübarizədən kənarlaşdırıb.

B.Ağayev 1/8 finalda ABŞ-dən olan Conatan Yanqla üz-üzə gələcək.

Digər cüdoçumuz Şəfəq Həmidova Bakıda keçirilən dünya çempionatında mübarizəni dayandırıb. 48 kq çəki dərəcəsində çıxış edən idmançımız 1/32 final mərhələsində Madaqaskar təmsilçisi Nataşa Razafindrakaloya məğlub olub.

***10:10

Bu gün Bakıda cüdo üzrə böyüklər arasında dünya çempionatına start veriləcək.

BAKU.WS-in məlumatına görə, Milli Gimnastika Arenasında təşkil olunacaq mundialın ilk yarış günündə Azərbaycanın 4 cüdoçusu mübarizəyə qoşulacaq.

Qadın cüdoçular arasında - 48 kq çəki dərəcəsində Şəfəq Həmidova 1/32 final mərhələsində Madaqaskar təmsilçisi Nataşa Razafindrakalo ilə qarşılaşacaq.

Eyni çəkidə digər təmsilçimiz Könül Əliyeva mübarizəyə 1/16 finaldan başlayacaq. Onun rəqibi Çilini təmsil edən Mari Di Varqas Ley olacaq.

Kişilərin - 60 kq çəki dərəcəsində isə Balabəy Ağayev və Əhməd Yusifov tatamiyə çıxacaqlar.

Balabəy Ağayev 1/16 finalda Belarus təmsilçisi Artsiom Kolasau ilə Ukrayna cüdoçusu Dilşot Xalmatov arasındakı görüşün qalibi ilə üz-üzə gələcək.

Əhməd Yusifovun 1/16 finaldakı rəqibi isə Özbəkistan təmsilçisi Baxrom Boturovla Monqolustan cüdoçusu Tumenjarqal Tuvşintur arasındakı qarşılaşmanın qalibi olacaq.

Oxşar xəbərlər

Əhməd Yusifov dünya çempionatında finala vəsiqə qazanıb - YENİLƏNİB-3

Cüdo üzrə dünya çempionatı: Əhməd Yusifov yarımfinala yüksəlib - YENİLƏNİB

Cüdo üzrə dünya çempionatı: Əhməd Yusifov ikinci qələbəsini qazanıb

Mehriban Əliyeva növbəti beş il müddətinə Azərbaycan Gimnastika Federasiyasının prezidenti seçilib

"Sabah" UEFA Çempionlar Liqasının əsas mərhələsinə vəsiqə qazanıb - YENİLƏNİB-11