İngiltərənin Hempşir qraflığında miqrantlar əleyhinə keçirilən etiraz aksiyasından sonra 12 nəfər saxlanılıb.

"Report" xəbər verir ki, bu barədə "Sky News" polisə istinadən məlumat yayıb.

Hüquq-mühafizə orqanları saxlanılanları bir sıra hüquqpozmalarda, o cümlədən polis əməkdaşına hücumda, əmlaka qəsdən ziyan vurmaqda və sərxoş vəziyyətdə ictimai asayişi pozmaqda şübhəli bilir.

Hadisə yerində az sayda polis əməkdaşına aldıqları xəsarətlərlə əlaqədar tibbi yardım göstərilib.

Saxlanılanların hamısı hələ də nəzarət altındadır.

Qeyd olunub ki, oktyabrın 4-də nümayişçilər, hakimiyyətin göyərtəsində 149 miqrant olan qayığın gəlişinə hazırlaşdığı barədə məlumatlar fonunda Qosportdakı yanalma körpüsünün yaxınlığında toplaşıblar.

Qayıq İngiltərə sularına çatana qədər onu Fransa xilasedici gəmiləri müşayiət edib. Daha sonra qayığı Kral Milli Xilasetmə Xidmətinin (RNLI) iki kateri qarşılayıb.

Etiraz aksiyası zamanı 350-yə yaxın insan toplaşıb.

Oxşar xəbərlər

"Abşeron" sağlamlıq və istirahət mərkəzinin ərazisində abadlıq və yaşıllığın qorunması aksiyası keçirilib

Yasamalda bina təhlükə altındadır: Sakinlər ölüm qorxusu ilə yaşayırlar

WUF13 yüksəksəviyyəli sessiyalar və rekord sayda iştirakçı ilə uğurla başa çatıb

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Nyu-Yorkun "Times" meydanında Zəfər Günü ilə bağlı məlumatlandırma aksiyası keçirilir