Rusiyanın Tatarıstan Respublikasında yerüstü piyada keçidi yük maşınının üzərinə və yolun hərəkət hissəsinə çöküb.

Far.Az xəbər verir ki, hadisə Mamadış traktında, Koşakovo kəndi yaxınlığında baş verib.

İlkin məlumata görə, yük maşınının sürücüsü qaldırılmış kuzovla hərəkət edib və keçidin hündürlüyünü nəzərə almayıb. Nəticədə avtomobil piyada keçidinə çırpılıb və konstruksiya yolun üzərinə aşıb.

Hadisə anbaan kameraya düşüb. Görüntülərdə yük maşınının keçidin altından keçdiyi vaxt konstruksiyanın dağılaraq avtomobilin üzərinə düşdüyü görünür. Zərbədən sonra yük maşını yolun qarşı istiqamətinə çıxaraq maneəyə çırpılıb.

İlkin məlumatlara görə, hadisə nəticəsində 2 nəfər xəsarət alıb. Qəza səbəbindən yolda hərəkət iflic olub və uzun tıxac yaranıb.

Hadisə yerinə operativ xidmət əməkdaşları cəlb olunub.

Oxşar xəbərlər

Bakıda dörd tunel və üç yeraltı piyada keçidi inşa edilir

Qazaxda güclü qar səbəbindən evin talvarı çöküb, iki avtomobil altında qalıb

Şəmkirdə sement daşıyan yük maşını betona çırpılıb, xəsarət alan var

Gəncədə işıq dirəyi 2 avtomobilin üzərinə aşdı

Ağac "BYD"nin üzərinə aşdı, maşın yararsız hala qaldı