iPhone telefonlarında internet paketinin sürətlə tükənməsinə səbəb olan funksiyalardan biri müəyyən edilib. Bu funksiya Wi-Fi bağlantısı zəiflədikdə avtomatik olaraq mobil internetdən istifadə edir.

BAKU.WS xəbər verir ki, bu barədə "MakeUseOf" nəşri məlumat yayıb.

Məlumata görə, Wi-Fi bağlantısı zəif və ya qeyri-sabit olduqda telefon mobil şəbəkəyə keçə bilər. Bu, onlayn oyun oynayarkən və ya film izləyərkən əlavə internet sərfiyyatına səbəb olur. Eyni zamanda, ekranda Wi-Fi işarəsi qaldığı üçün istifadəçi mobil internetin işə düşdüyünü hiss etməyə bilər.

Mobil internetə qənaət etmək üçün iOS 27 əməliyyat sistemində Wi-Fi parametrlərinə daxil olaraq "Bağlantı köməkçisi" funksiyasını deaktiv etmək tövsiyə olunur. Əvvəlki iOS versiyalarında isə bu seçim "Mobil rabitə" bölməsində yerləşir.

Nəşrin məlumatına əsasən, funksiya rouminq zamanı işləmir və arxa planda həyata keçirilən yükləmələr üçün istifadə olunmur. İstifadəçilər müvafiq parametrlər bölməsində bu funksiyanın indiyədək nə qədər internet sərf etdiyini də görə bilərlər.

Oxşar xəbərlər

Əmək və Sosial Münasibətlər Akademiyasında COP29-a həsr edilən elmi nəşrin təqdimatı olub

Həyatda yaxşı şeyləri niyə görmürük? - Tanınmış simaların FİKİRLƏRİ

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycanın və BƏƏ prezidentləri Əbu-Dabidə "Sülh Qalxanı – 2026" birgə əməliyyat-taktiki təlimini izləyiblər