Dünya bazarında neftin qiymətləri ABŞ Prezidenti Donald Trampın Rusiya və Ukrayna arasında enerji atəşkəsi elan etməsindən sonra sabitləşib. Brent markalı neftin bir barelinin qiyməti 105,4 dollar ətrafında qərarlaşıb.

Far.Az xəbər verir ki, oktyabrın 12-də Moskva vaxtı ilə saat 12:25 radələrində Brent neftinin qiyməti əvvəlki ticarət sessiyasının bağlanış göstəricisi ilə müqayisədə 0,65 faiz artıb.

Hazırda bazar iştirakçıları elan edilən atəşkəsin enerji bazarına real təsirlərini qiymətləndirirlər. Donald Tramp tərəflərin bir-birinin enerji infrastrukturuna zərbələr endirməmək barədə müvəqqəti razılığa gəldiyini bildirib. Lakin bu şərtin praktikada yerinə yetirilib-yetirilməyəcəyi hələ məlum deyil.

Analitiklər qlobal enerji bazarında qeyri-müəyyənliyin davam etdiyini bildirirlər. Ekspertlərin fikrincə, atəşkəs reallaşsa belə, dünya bazarında neftə tələb və təklif arasındakı disbalansı aradan qaldırmaya bilər.

Enerji daşıyıcılarının Hörmüz boğazından ixracına maneələr, eləcə də İranın və Yəməndəki husilərin Fars körfəzi ölkələrinin enerji infrastrukturuna hücumları bazar üçün əsas risklər olaraq qalır. Bu fonda "Goldman Sachs" investisiya bankı ilin sonuna Brent neftinin orta qiyməti ilə bağlı proqnozunu əhəmiyyətli dərəcədə yüksəldib.

Oxşar xəbərlər

Bakıda WUF13-ün Sessiyasının açılış mərasimi keçirilib, Prezident İlham Əliyev çıxış edib

ABŞ Prezidenti Donald Trampın təşəbbüsü ilə yaradılan Sülh Şurası təsis edilib

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Bakıda Ümumdünya Şəhərsalma Forumunun 13-cü Sessiyasının açılış mərasimi keçirilir Prezident İlham Əliyev çıxış edib