Laçın rayonunun Güləbird kəndində elektrik təchizatının qurulması istiqamətində yeni layihənin həyata keçirilməsi nəzərdə tutulur. İşlər çərçivəsində 35/0,4 kV-luq qapalı transformator məntəqəsinin tikintisi və ərazidaxili elektrik təchizatı infrastrukturunun yaradılması planlaşdırılır.

Far.Az-in məlumatına görə, layihə Məcburi Köçkünlərin Sosial İnkişaf Fondu tərəfindən həyata keçiriləcək.

İşlər üçün ehtimal olunan dəyər 3 milyon 546 min manat müəyyən edilib.

Layihənin əsas hissələrindən biri ölçüləri 14,4x8,6 metr olan transformator məntəqəsinin inşasıdır. Tikinti çərçivəsində torpaq işlərinin aparılması, müxtəlif kateqoriyalı qruntların qazılması, artıq torpağın daşınması və ərazidə geri doldurma işlərinin görülməsi nəzərdə tutulur.

Elektrik təchizatı infrastrukturunun qurulması Güləbird kəndində yaşayış şəraitinin yaxşılaşdırılması və enerji təminatının daha etibarlı təşkili baxımından əhəmiyyət daşıyır. Müasir elektrik şəbəkəsinin yaradılması ev təsərrüfatlarının, sosial obyektlərin və digər infrastruktur sahələrinin elektrik enerjisinə olan tələbatının qarşılanmasına, kəndin davamlı inkişafına və əhalinin gündəlik həyat şəraitinin yaxşılaşdırılmasına töhfə verəcək.

Oxşar xəbərlər

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Prezident İlham Əliyev Bakı Enerji Həftəsinin rəsmi açılış mərasimində iştirak edib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

İlham Əliyevin sədrliyi ilə Bakı və Abşeronda su təchizatına dair Dövlət Proqramına həsr olunan müşavirə keçirilib - YENİLƏNİB