Fransa Hərbi Dəniz Qüvvələri Hind okeanında "DF Peak" adlı neft tankerini saxlayıb.

BAKU.WS xəbər verir ki, Fransa prezidenti Makron bu barədə "X" sosial şəbəkəsindəki hesabında paylaşım edib.

Prezident Makron gəminin saxta bayraq altında üzməsi ilə bağlı şübhələrin olduğunu bildirib.

Fransa liderinin sözlərinə görə, əməliyyat oktyabrın 12-də səhər saatlarında Reyunyon adasından 450 dəniz milindən çox cənubda həyata keçirilib.

O qeyd edib ki, tankerin saxta bayraq altında hərəkət etdiyi ehtimal olunur. Gəminin saxlanılması beynəlxalq sularda fəaliyyət göstərən və mənşəyini, eləcə də fəaliyyətini gizlətməkdə şübhəli bilinən gəmilərlə mübarizə çərçivəsində baş tutub.

Fransa Prezidenti əməliyyatın beynəlxalq hüquq normalarına uyğun həyata keçirildiyini vurğulayıb. O, bu addımın Parisin qanunsuz ticarətlə mübarizə aparmaq əzmini nümayiş etdirdiyini bildirib.

Xatırladaq ki, martın 12-də İsveç hakimiyyəti də Komor adalarının bayrağı altında üzən "Sea Owl I" tankerini saxta bayraqdan istifadə şübhəsi ilə saxlamışdı. Oktyabrda isə gəmi ilə bağlı məhdudiyyətlər aradan qaldırılıb və onun hərəkətini davam etdirməsinə icazə verilib.

Oxşar xəbərlər

Vətən müharibəsində Qələbənin beşinci ildönümünə həsr olunmuş Hərbi parad keçirilib

SOCAR-ın təşkilatçılığı, "Neftçi" və "Galatasaray" klublarının tərəfdaşlığı ilə şəhid və qazi övladları üçün "Futbol günü" adlı tədbir keçirilib

Bakıda WUF13-ün Sessiyasının açılış mərasimi keçirilib, Prezident İlham Əliyev çıxış edib

Azərbaycandan Türkmənistana hədiyyə olunan tankerin GÖRÜNTÜLƏRİ

Şəhidlər xiyabanına xalq ziyarəti axşam saatlarında da davam edir