Xətai Rayon Məhkəməsinin hakimlərinin deputat Arzuxan Əlizadənin oğlu Əhməd Əlizadə ilə bağlı işə baxmaqdan imtina etmələrinin səbəbi məlum olub.

BAKU.WS "Qafqazinfo"ya istinadən xəbər verir ki, Bakıda kafedə baş verən kütləvi dava ilə bağlı cinayət məsuliyyətinə cəlb edilən Əhməd Əlizadəyə qarşı Cinayət Məcəlləsinin altı maddəsi üzrə ittiham irəli sürülüb.

O, Cinayət Məcəlləsinin 218.1 və 218.2-ci maddələri, eləcə də 234.4.1 və 234.4.3-cü maddələri və həmin maddələrlə əlaqəli cinayətə cəhdlə bağlı müddəalar üzrə təqsirləndirilən şəxs qismində cəlb edilib.

Məlumata görə, hakimlərin etirazına səbəb Əhməd Əlizadənin qardaşı Orxan Əlizadənin də Xətai Rayon Məhkəməsində hakim işləməsidir.

Bununla əlaqədar iş Bakı Apellyasiya Məhkəməsinə göndərilib. Apellyasiya Məhkəməsinin qərarı ilə Əhməd Əlizadə barəsində həbs qətimkan tədbirinin seçilməsi məsələsinə Nizami Rayon Məhkəməsində baxılması qərara alınıb.

Oxşar xəbərlər

Şəhid olmuş bir qrup hərbi qulluqçu və mülki işçi ölümündən sonra təltif olunub

Prezident İlham Əliyev Əfv Sərəncamı imzalayıb

Deputat Arzuxan Əlizadənin oğlunun adı hallanan dəhşətli cinayətin yeni təfərrüatı

Deputat Arzuxan Əlizadənin oğlunun öldürdüyü deyilən Ceyhunun bu gün ailəsində xeyir iş olacaqmış

Silahlı Qüvvələrin bir qrup hərbi qulluqçu təltif edilib