Yaponiyada ayı ilə toqquşan sərnişin qatarının ilk vaqonu relsdən çıxıb.

BAKU.WS xəbər verir ki, bu barədə TASS Hokkaydo dəmir yolu şirkətinə istinadən məlumat yayıb.

Hadisə qatar Vakkanay şəhəri istiqamətində hərəkət edərkən baş verib. Qəza nəticəsində xəsarət alan olmayıb. Lakin sərnişinlər gecəni qatarda keçirməli olublar.

Maşinist ayının yalnız yaralanmış ola biləcəyindən və insanlar üçün təhlükə yarada biləcəyindən ehtiyat etdiyi üçün sərnişinlərin dərhal təxliyəsinə qərar verilməyib.

Səhər saatlarında sərnişinlərin yaxınlıqdakı stansiyalara çatdırılması üçün taksilər ayrılıb. Qəza səbəbindən dəmir yolu xəttində hərəkət hələ də bərpa olunmayıb. Bunun nə vaxt baş verəcəyi açıqlanmayıb.

Qeyd edək ki, son bir ildə Hokkaydo adasında ayıların insanlara yaxınlaşması halları artıb. Heyvanlar əkin sahələrinə və meyvə bağlarına ziyan vurur. Təkcə son bir ildə onların fermerlərə vurduğu zərər 487 milyon iendən çox olub. Bu ilin aprel-sentyabr aylarında isə ayı hücumları nəticəsində təxminən 30 nəfər xəsarət alıb.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Həyatda yaxşı şeyləri niyə görmürük? - Tanınmış simaların FİKİRLƏRİ

"Evlər meşələrə yaxın tikilib" - Ayıların kəndlərə hücumu ilə bağlı RƏSMİ AÇIQLAMA

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3