Yeddi "OPEC+" ölkəsi dekabrda neft hasilatı kvotasının əvvəlki səviyyədə saxlanılması barədə razılığa gəlib.

"Far.Az" xəbər verir ki, bu barədə mənbələrə istinadən "Reuters" agentliyi məlumat yayıb.

"Bu, hasilatla bağlı siyasətdə gələcək düzəlişlərin gələn ildən tez olmayaraq aparılacağı ilə bağlı gözləntilərə uyğundur", - məlumatda bildirilib.

Yekun qərarın qəbul ediləcəyi görüş noyabrın 1-də keçiriləcək.

Xatırladaq ki, 2025-ci ilin aprelindən səkkiz "OPEC+" ölkəsi əvvəllər azaldılmış həcmləri bazara qaytararaq neft hasilatını tədricən artırmağa başlayıb. 2025-ci ilin sentyabrında onlar gündə 2,2 milyon barel məhdudiyyətini tamamilə ləğv edib, oktyabrda isə daha bir ixtisarın - 1,65 milyon barel azalmanın ləğvinə başlayıblar.

BƏƏ 2026-cı il mayın 1-də OPEC və "OPEC+"dan çıxdıqdan sonra format yeddi ölkənin tərkibində işini davam etdirib. 2026-cı ilin sentyabrında onlar qalan məhdudiyyətlərin ləğvini başa çatdırıblar. Beləliklə, ilyarım ərzində ölkələr əvvəllər ixtisar edilmiş bütün neft həcmlərini - gündə 3,85 milyon barel göstəricisini dünya bazarına qaytarıblar.

Oxşar xəbərlər

Azərbaycanın və BƏƏ prezidentləri Əbu-Dabidə "Sülh Qalxanı – 2026" birgə əməliyyat-taktiki təlimini izləyiblər

Azərbaycan və BƏƏ prezidentləri Cıdır düzündə Qarabağ atlarının şousunu izləyiblər

OPEC-in neft hasilatını artırmaq qərarı Azərbaycan üçün nə ifadə edir?

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

BƏƏ Prezidentinin Şuşada rəsmi qarşılanma mərasimi olub