Suriyanın təhlükəsizlik qüvvələri Livanın "Hizbullah" qruplaşması ilə əlaqəli qrupun üzvlərini saxlayıb. Onlar Suriyanın mərkəzində yerləşən Homs şəhərindəki neft emalı zavoduna (NEZ) hücum hazırlamaqda ittiham olunurlar.

"Report" "Reuters"ə istinadən xəbər verir ki, bu barədə Suriyanın SANA dövlət xəbər agentliyi məlumat yayıb.

Bildirilib ki, kəşfiyyat və daxili təhlükəsizlik qüvvələrinin əməkdaşları hücum üçün nəzərdə tutulmuş partlayıcı qurğuları aşkar edərək götürüblər. Saxlanılanların sayı qeyd olunmayıb.

"Hizbullah" hələ ki bu məlumatı şərh etməyib. Əvvəllər qruplaşma Suriya ərazisində silahlı qrupların fəaliyyətinə və təhlükəsizlik sahəsindəki insidentlərə aidiyyəti olması ilə bağlı Suriya tərəfinin ittihamlarını dəfələrlə rədd edib.

2024-cü ilin dekabrında sabiq prezident Bəşər Əsəd devrildikdən sonra Suriya hakimiyyəti "Hizbullah"ı qətllərin, raket hücumlarının hazırlanması və silah qaçaqmalçılığı da daxil olmaqla, bir sıra ehtimal edilən qəsdlərə aidiyyəti olmaqda ittiham edib.

"Hizbullah" Suriyada təxminən 14 illik vətəndaş müharibəsi zamanı Əsəd qüvvələrinin tərəfində vuruşub, lakin o devrildikdən sonra qruplaşmanın Dəməşqlə münasibətləri kəskin şəkildə pisləşib.

Homsdakı NEZ Suriyanın əsas neft emalı müəssisələrindən biri və daxili bazara əsas yanacaq tədarükçüsüdür.

Oxşar xəbərlər

DYMX Neft Emalı Zavodunda yanğın-taktiki təlim keçirib

Dövlət Xidməti Neft Emalı Zavodunda yanğın-taktiki təlim keçirib

Leyla Əliyeva "Mənzərəyə açılan ev" mövzusunda qrup sərgisində iştirak edib

FHN Neft Emalı Zavodunda yanğın-taktiki təlim keçirib

Amnistiya aktı məntəqə tipli cəzaçəkmə müəssisəsində icra olunub