Gənclər və İdman Nazirliyi, Azərbaycan Atletika Federasiyası (AAF) və "Zəfər" Qaçış Klubunun birgə təşkilatçılığı ilə "Prezident Kuboku" uğrunda tam məsafəyə marafon qaçışı keçiriləcək.

"Far.Az" xəbər verir ki, yarış dekabrın 21-22-də ölkədə 2024-cü ilin "İdman Paytaxtı" olan Qubada baş tutacaq.

Bu münasibətlə təşkilatçıların birgə iclası keçirilib. AAF-ın baş katibi Məhərrəm Sultanzadə qaçış marşrutunun şəhərin mərkəzi küçələrindən keçməsinin sakinlərə və şəhərin qonaqlarına gərgin idman mübarizəsinin şahidi olmaq imkanı yaradacağını və bununla da bu növə olan marağın daha da artacağına inandığını bildirib.

"Zəfər" klubunun direktoru Elşən Quliyev qaçış məsafəsinin 42 195 metr olacağını və müstəqilliyimiz bərpa edildikdən sonra Azərbaycanda ilk dəfə keçiriləcək tam məsafəyə marafon yarışı olacağını qeyd edib.

Toplantıda həmçinin AAF-ın beynəlxalq əlaqələr və inkişaf şöbəsinin müdiri Kənan Məhərrəmov, qaçış komitəsinin sədri Namiq Əsədov və digər iştirakçılar yarışın təşkili ilə bağlı məsələləri müzakirə ediblər.

Oxşar xəbərlər

Milli Məclisin parlamentlərarası əlaqələr üzrə işçi qruplarına rəhbərlər seçilib - SİYAHI

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Yorğa atların respublika çempionatı və cıdır mövsümü ilə əlaqədar yarışlar keçirilib

Bakıda COP29-un Liderlər Sammitinin açılış mərasimi keçirilib - YENİLƏNİB-2

VII çağırış Milli Məclisin ilk iclası keçirilib, Prezident İlham Əliyev toplantıda iştirak edib və nitq söyləyib - YENİLƏNİB-3