ABŞ-ın Rusiyanın “Qazprombank”a qarşı sanksiya tətbiq etməsindən sonra azalan qaz tədarükləri, soyuq hava və mümkün təchizat məhdudiyyətləri fonunda Avropa yeni enerji böhranı ilə üzləşib.

“Far.Az” xəbər verir ki, bu barədə “Bloomberg”in dərc etdiyi məqalədə vurğulanıb.

Qeyd olunub ki, Ukrayna münaqişəsində gərginliyin artması ilə bu il mayeləşdirilmiş təbii qazın (LNG) qiymətləri 45% artıb. Soyuq hava enerji mənbəyinə tələbatı artırdığı üçün onun Avropadakı ehtiyatları sürətlə tükənir.

“Sürətlə tükənən qaz ehtiyatları və Moskvadan tədarükün gözlənilən kəsilməsi Avropada yeni enerji böhranı üçün zəmin yaradır. Vəziyyət daha da pisləşmək üzrədir, çünki 2024-cü ildə tədarükün artırılmasına kömək edən qaz tədarükləri gələn il mümkün olmayacaq və qiymətlərə əlavə təzyiq olunacaq”, - məqalədə vurğulanıb.

Agentlik böhrana səbəb ola biləcək amillərdən biri kimi Amerikanın “Qazprombank”a qarşı sanksiyalarını qeyd edib. Qeyd olunub ki, Rusiya qazının tədarükü onun Ukrayna ərazisindən tranziti ilə bağlı müqavilənin müddəti bitənə qədər dayandırıla bilər. Odur ki, gələn yay Avropada qazın qiymətləri qışa nisbətən daha yüksək olacaq.

Qeyd edək ki, noyabrın 21-də ABŞ “Qazprombank”a və onun 6 xarici törəmə şirkətinə qarşı sanksiyalar tətbiq edib. Rusiya Federasiyası prezidenti Vladimir Putinin müvafiq sərəncamına əsasən, bu bank vasitəsilə Aİ ölkələrinə və Moskvaya qarşı məhdudlaşdırıcı tədbirlər tətbiq etmiş digər dövlətlərə Rusiya qazının tədarükü üçün rublla ödəniş sxemi təşkil edilib.

Rusiya qazının Ukrayna vasitəsilə Avropaya tranziti ilə bağlı saziş 2019-cu ildə bağlanıb və 2024-cü ilin sonunda başa çatır. Ukrayna hakimiyyəti dəfələrlə bəyan edib ki, onlar sazişin müddətini uzatmağı planlaşdırmırlar.

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Prezident İlham Əliyev Cəbrayıl şəhərində inşa olunan yaşayış kompleksinin açılışında iştirak edib - YENİLƏNİB-2

VII çağırış Milli Məclisin ilk iclası keçirilib, Prezident İlham Əliyev toplantıda iştirak edib və nitq söyləyib - YENİLƏNİB-3

Azərbaycan QHT-ləri ABŞ və Avropa İttifaqının məsul qurumlarının rəhbərlərinə açıq məktub göndərib

AZAL-ın Baş Kommersiya İnzibatçısı: “Bilet qiyməti heç də hər zaman aviaşirkətdən asılı deyil”-MÜSAHİBƏ