Məmməd Talıbov: "Azərbaycan-Belçika ticarət dövriyyəsi əlaqələrin potensialını göstərir"
Bu ilin yanvar-sentyabr aylarında Azərbaycan və Belçika arasında ticarət dövriyyəsi ötən ilin müvafiq dövrü ilə müqayisədə 43 % artıb, bu da iki ölkənin iqtisadi münasibətlərinin əhəmiyyətli potensialının sübutudur.
"Report" xəbər verir ki, bunu Azərbaycan Xarici İşlər Nazirliyinin Avropa İdarəsinin rəhbəri Məmməd Talıbov Belçika Kralı Günü münasibətilə təşkil olunan tədbirdə bildirib.
Onun sözlərinə görə, Azərbaycan və Belçika arasındakı münasibətlər qarşılıqlı hörmət və etimada əsaslanır: "Hər iki ölkənin öz regionlarında strateji mövqeyi, həmçinin beynəlxalq əməkdaşlığın inkişafına sadiqliyi ikitərəfli əlaqələrin daha da dərinləşməsi üçün əlverişli təməl yaradır".
M.Talıbov ölkələr arasında münasibətlərin inkişafında yüksək səviyyəli əlaqələrin xüsusi rolunu qeyd edib: "Belçikanın sənaye, yüksək texnologiyalar və infrastruktur sahələrindəki ekspert potensialı Azərbaycanın nəqliyyat-logistika imkanları və iqtisadi inkişafı ilə birlikdə tərəfdaşlıq üçün yeni perspektivlər açır".
Departament rəhbəri həmçinin Bakı – Brüssel marşrutu üzrə birbaşa aviasiya əlaqəsinin açılmasını alqışlayaraq qeyd edib ki, bu, xalqlar arasında təmasların genişlənməsinə, turizm və işgüzar əlaqələrin fəallaşmasına, həmçinin ikitərəfli əməkdaşlığın daha da möhkəmlənməsinə töhfə verəcək.
M.Talıbov mina təhlükəsi probleminin həlli istiqamətində Azərbaycanın səylərinin Belçika tərəfindən dəstəklənməsinin vacibliyini vurğulayıb.
Onun sözlərinə görə, bu dəstək mülki əhalinin təhlükəsizliyinin təmin edilməsi, işğaldan azad olunmuş ərazilərin bərpası və keçmiş məcburi köçkünlərin doğma yurdlarına təhlükəsiz qayıdışı üçün şəraitin yaradılması baxımından xüsusi əhəmiyyət kəsb edir.
Bundan əlavə, o, təhsil, mədəniyyət və digər humanitar sahələrdə əməkdaşlığın inkişafının, həmçinin beynəlxalq təşkilatlar çərçivəsində konstruktiv dialoqun əhəmiyyətini qeyd edib: "Biz əminik ki, mövcud əməkdaşlıq potensialından səmərəli istifadə Azərbaycan-Belçika münasibətlərinin daha da inkişafına və xalqlarımız arasında əlaqələrin möhkəmlənməsinə töhfə verəcək".
Oxşar xəbərlər
20 Sentyabr - Neftçilər Günü münasibətilə tədbir keçirilib
27 Sentyabr - Anım Günü münasibətilə Azərbaycan Ordusunda silsilə tədbirlər keçirilib
Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3
İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3
Azərbaycanın yeni sənaye modelinin konturları - TƏHLİL
Ən son xəbərləri bizim
"Facebook" səhifəmizdə izləyin
Digər xəbərlər
-
"Bitly" "X"də kiber hücumun fəsadlarını aradan qaldırmağa çalışır
-
ABŞ HDQ-nin üçüncü təyyarədaşıyan gəmisi Yaxın Şərqə gəlib
-
Türkiyədə bir neçə ev yanıb, zərərçəkənlər var
-
İmişlidə suvarma kanallarına suyun verilişi iki ay dayandırılacaq - Səbəb
-
Rusiya və Gürcüstan xüsusi nümayəndələr səviyyəsində birbaşa dialoqu bərpa edirlər
-
Muxtar Babayev: Azərbaycan və Türkiyə Cəbrayılda Meşə Təlim Mərkəzi yaradıb













