Azərbaycan millisinin futbolçusu İtaliya klubu ilə müqaviləsini uzatdı
Far.Az xəbər saytı

Azərbaycan millisinin futbolçusu İtaliya klubu ilə müqaviləsini uzatdı


Azərbaycan millisinin futbolçusu Lorenso Mezzotero İtaliyanın "Sampdoriya" klubu ilə müqaviləsinin müddətini uzadıb.

Far.Az Oxu.az-a istinadən xəbər verir ki, bu barədə B Seriyası təmsilçisinin mətbuat xidməti məlumat yayıb.

18 yaşlı hücumçu ilə yeni anlaşma 2030-cu il iyunun 30-dək qüvvədə olacaq. Müqavilədə klubun istəyi ilə sözləşməni daha bir il - 2031-ci il iyunun 30-dək uzatmaq hüququ da nəzərdə tutulub.

Mezzotero 2024-cü ilin yayından "Sampdoriya"da çıxış edir. Gənc futbolçu bu mövsüm əsas komandada meydana çıxdığı dörd oyunda bir qol vurub. Onun peşəkar karyerasında ilk qolu "Virtus Entella" ilə matçda qeydə alınıb.

Qeyd edək ki, Azərbaycanın U-21 millisində çıxış edən Mezzotero noyabrda ilk dəfə əsas yığmaya da dəvət alıb. Lakin son çempionat matçında zədələndiyi üçün millinin toplanışına qoşula bilməyib.

Oxşar xəbərlər

DÇ-2026: Ən çox qolu kim vurub?
UEFA Konfrans Liqası: "Tvente" "Qarabağ"la oyunda üçüncü qolu vurub - YENİLƏNİB-6
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN
Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Ən son xəbərləri bizim

"Facebook" səhifəmizdə izləyin

Digər xəbərlər