Fatih Çoşkun: "Maliyyə cinayətkarlığının aşkarlanması üçün yeni texnologiyaların tətbiqinə ehtiyac var"
Far.Az xəbər saytı

Fatih Çoşkun: "Maliyyə cinayətkarlığının aşkarlanması üçün yeni texnologiyaların tətbiqinə ehtiyac var"


Son 4 ildə çirkli pulların yuyulmasına qarşı tətbiq edilən cərimələrin (AML cəzalarının) həcmi 5 dəfə artıb.

“Report” xəbər verir ki, bunu Türkiyənin "Sanction Scanner" şirkətinin baş icraçı direktoru Fatih Çoşkun VIII Beynəlxalq Bankçılıq Forumunda çıxışı zamanı bildirib.

“Bu artım maliyyə cinayətkarlığının nə qədər geniş miqyasda olduğunu bir daha göstərir”, - F. Çoşkun qeyd edib.

Bununla yanaşı, o əlavə edib ki, maliyyə cinayətkarlığının aşkarlanması üçün istifadə olunan mövcud sistemlər köhnəlib və əsasən 15-20 il əvvəlki texnologiyalara əsaslanır: "Bu sistemlər potensial problemlərin yalnız 1-3 %-ni aşkarlamaq gücündədir”.

Şirkətin rəhbəri, bu səbəbdən yeni texnologiyaların tətbiq edilməsinin və effektiv nəzarət sistemlərinin yaradılmasının zəruriliyini vurğulayıb.

Onun sözlərinə görə, hər il maliyyə cinayətləri vasitəsilə qlobal maliyyə sisteminə 3 trilyon ABŞ dolları həcmində qanunsuz vəsait daxil olur: "Bu, ciddi itkilərə və maliyyə sistemindəki etibarlılığın sarsılmasına səbəb olur".

Oxşar xəbərlər

“Dövlət informasiya ehtiyatlarının və sistemlərinin Nümunəvi Əsasnaməsi” təsdiq edilib
Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4
İlham Əliyev V “ADEX-2024” və “Securex Caspian” sərgiləri ilə tanış olub - YENİLƏNİB-2
Bakıda COP29-un Liderlər Sammitinin açılış mərasimi keçirilib - YENİLƏNİB-2
VII çağırış Milli Məclisin ilk iclası keçirilib, Prezident İlham Əliyev toplantıda iştirak edib və nitq söyləyib - YENİLƏNİB-3

Ən son xəbərləri bizim

"Facebook" səhifəmizdə izləyin

Digər xəbərlər