Türkiyədə qeydiyyatdan keçmiş avtomobillər Azərbaycanda ən çox qəza törədən nəqliyyat vasitələri olub.

“Report” xəbər verir ki, bu barədə İcbari Sığorta Bürosu (İSB) məlumat yayıb.

Bildirilib ki, 2024-cü ilin yanvar-sentyabr aylarında "Yaşıl Kart" beynəlxalq sığorta sisteminin iştirakçılarının təqsiri ilə Azərbaycanda baş verən yol-nəqliyyat hadisələrinə görə sığorta şirkətləri ümumilikdə 53 276 manat ödəniş edib.

Bu dövrdə Türkiyə qeydiyyatlı avtomobillər 18 qəza törədib və nəticədə 31 838 manat sığorta ödənişi həyata keçirilib. Ukrayna qeydiyyatlı avtomobillər 7 qəza törədib və bu qəzalar üçün 13 869 manat ödənilib. Rusiya qeydiyyatlı avtomobillər isə 5 qəza törədərək ümumilikdə 7 569 manat sığorta ödənişi ilə nəticələnib.

Bu ilin 9 ayında Azərbaycanın “Yaşıl Kart” sahiblərinin təqsiri üzündən ölkədən kənarda - Rusiya, Türkiyə, Latviya, Polşa, Belarus, Rumıniya, Estoniya, Niderland və Belçikada isə ümumilikdə 264 yol qəzası baş verib. Həmin sığorta hadisələrinə görə 998 846 manat ödəniş həyata keçirilib.

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

İSB: Azərbaycanda bu il daşınmaz əmlakın icbari sığortası üzrə 2 milyon manata yaxın ödəniş edilib

İcbari Sığorta Bürosu 3 nüfuzlu beynəlxalq mükafata layiq görülüb

İlham Əliyev V “ADEX-2024” və “Securex Caspian” sərgiləri ilə tanış olub - YENİLƏNİB-2

Bakıda COP29-un Liderlər Sammitinin açılış mərasimi keçirilib - YENİLƏNİB-2