"Neftçi"nin sabiq futbolçusu: "Pünik" üzərində indi qələbə qazansaydıq, daha fərqli hisslər keçirərdik"
Bu komanda üzərində indi qələbə qazansaydıq, bəlkə də daha fərqli hisslər keçirərdik.
Bunu “Far.Az”a açıqlamasında “Neftçi”nin sabiq yarımmüdafiəçisi Vidadi Rzayev 20 il öncə Rusiyanın paytaxtı Moskvada keçirilən “Birlik Kuboku”un 1/4 finaında qarşılaşdıqları Ermənistanın “Pünik” klubu ilə matçla bağlı xatirələrini bölüşərkən deyib.
Veteran futbolçu Ermənistan təmsilçisinə qarşı oyundan əvvəl komandaya mükafat söz verildiyini söyləyib:
“Oyundan əvvəl həyəcanlı idik, lakin xüsusi tapşırıq verilməmişdi. Çünki qarşıya yalnız bir məqsəd qoymuşduq - qələbə qazanmaq. Başqa heç nə ola bilməzdi. Sağ olsunlar, yaxşı mükafat söz vermişdilər. Sadəcə, qalib gəlmək lazım idi. Futbol artıq ikinci planda idi, oyuna siyasi cəhətdən də xüsusi yanaşırdılar. Çünki torpaqlarımız ermənilərin işğalı altında idi. Həyəcandan gecə yata bilmirdik, gözümüzə yuxu getmirdi., ancaq səhərki oyunu düşünürdük. Əsəblər pik həddə idi. Çünki onlar da həmin mərhələyə qədər gəlmişdilər və udsaydılar, yarımfinala vəsiqə qazanacaqdılar”.
Millinin sabiq üzvü qazandıqları qələbənin şirin olduğunu vurğulayıb:
“Həmin vaxt torpaqlarımızın 20 faizi işğal altında idi və düşmənlə üz-üzə gəlirdik. Buna görə də qələbə şirin gəldi. Şükür ki, 44 günlük Vətən müharibəsində də qalib gəldik. Bu komanda üzərində indi qələbə qazansaydıq, bəlkə daha fərqli hisslər keçirərdik. Allah şəhidlərimizə rəhmət eləsin, qazilərimizə cansağlığı versin”.
V.Rzayev məğlub olacaqları təqdirdə Rusiyadan birbaşa Gəncəyə qayıtmağı və karyerasını bitirməyi düşündüyünü deyib:
“37 yaşım var idi, karyeramın sonuna yaxınlaşırdım. Təsəvvür edin, karyeramı ermənilərə məğlub olaraq bitirə bilərdim. Təxminən 25 ilə yaxın futbol oynadıqdan sonra yaşıl meydanlarla bu şəkildə vidalaşmaq ölümə bərabər idi, biabırçılıq olardı. Karyeramda qara ləkə kimi qalacaqdı. İnanın, hətta özümə marşrut da cızmışdım. Uduzsaydıq, Bakıya qayıtmayacaqdım, birbaşa Gəncəyə bilet alacaqdım və karyeramı bitirəcəkdim. Bunu uşaqlara da demişdim. Həmin vaxt “Pünik”in 6-7 futbolçusu Ermənistan yığmasında oynayırdı. Pis komanda deyildi. Allah qismət etdi, ikinci qolu mən vurdum. Bundan sonra “Birlik Kuboku”nun marağı qalmadı. “Pünik” ikinci dəfə yenə “Neftçi”yə rəqib olmuşdu. Lakin oynamadılar, turnirdən imtina etdilər və qaçıb getdilər. Bu məğlubiyyətə görə onları çox pis qarşılamışdılar. Təsəvvür edin, biz məğlub olsaydıq, nələr baş verərdi”.
Qeyd edək ki, 2005-ci il yanvarın 19-da baş tutan görüş “Neftçi”nin 2:0 hesablı qələbəsi ilə yekunlaşıb.
Oxşar xəbərlər
Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2
Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4
Prezident İlham Əliyev Cəbrayıl şəhərində inşa olunan yaşayış kompleksinin açılışında iştirak edib - YENİLƏNİB-2
VII çağırış Milli Məclisin ilk iclası keçirilib, Prezident İlham Əliyev toplantıda iştirak edib və nitq söyləyib - YENİLƏNİB-3
Bakıda COP29-un Liderlər Sammitinin açılış mərasimi keçirilib - YENİLƏNİB-2
Ən son xəbərləri bizim
"Facebook" səhifəmizdə izləyin
Digər xəbərlər
-
"United Airlines" şirkətinin işində iri miqyaslı nasazlıq yaranıb
-
Pentaqon Yaxın Şərqdə 20-dən çox gəmi cəmləşdirib
-
Andorra - Azərbaycan oyunu: Millimizdən üçüncü qol
-
Muxtar Babayev: İqlim maliyyəsi üçün yeni mexanizmlərin yaradılması vacibdir
-
Muxtar Babayev: Azərbaycan və Türkiyə Cəbrayılda Meşə Təlim Mərkəzi yaradıb
-
Ronaldonun oğlu Portuqaliya millisində – Atasının yolunu davam etdirə biləcək?













