Yevlaxda tibbi qiymətləndirmə xidmətlərinin göstərildiyi inzibati binan əsaslı təmir olunacaq.

BAKU.WS-in məlumatına görə, bununla bağlı işləri Dövlət Tibbi Sığorta və Ekspertiza Agentliyi həyata keçirəcək.

Layihənin ehtimal olunan dəyəri 1 milyon 574 min manat təşkil edir. İşlər Yevlax Tibbi Qiymətləndirmə Mərkəzinin inzibati binasını əhatə edəcək.

Qeyd edək ki, mərkəz əlilliyin müəyyən edilməsi və hərbi xidmətə çağırılan vətəndaşların tibbi qiymətləndirilməsi ilə bağlı fəaliyyət göstərən qurumun regional strukturudur.

İnzibati binanın əsaslı təmiri tibbi qiymətləndirmə xidmətlərinin daha əlverişli şəraitdə təşkili baxımından əhəmiyyətlidir. Müasir və lazımi infrastruktura malik iş şəraitinin yaradılması həm əməkdaşların fəaliyyətinin səmərəliliyinə, həm də vətəndaşlara göstərilən xidmətlərin keyfiyyətinin yüksəldilməsinə töhfə verəcək.

Oxşar xəbərlər

İlham Əliyev Lənkəran Dövlət Peşə Təhsil Mərkəzinin açılışında iştirak edib

Leyla Əliyeva Yevlaxda Sahibsiz Heyvanlara Qayğı Mərkəzinin regional bölməsinin açılışında iştirak edib

Leyla Əliyevanın təşəbbüsü ilə icra olunan "Gənc arıçı" layihəsi Yevlaxda uğurla yekunlaşıb

Xətai rayonunda Heydər Əliyev Fondu tərəfindən yeni məktəb binası istifadəyə verilib

Vidadi Zeynalovun MİLYONLUQ əmlakları hərraca çıxarılır