"Quba" ilə matçda nəzarəti əvvəldən sona kimi əlimizdə saxladıq.

"Report" xəbər verir ki, bunu "Gəncə"nin baş məşqçisi Halil Atlı Azərbaycan Basketbol Liqasının XII turunda “Quba” ilə oyundan sonra klubun mətbuat xidmətinə açıqlamasında deyib.

Mütəxəssis yaxşı komanda formalaşdırdıqlarını vurğulayıb:

“Heyətdəki itkiyə baxmayaraq meydançada yaxşı mübarizə apardıq. Komandamızı təbrik edirəm. Oyuna sərt başladıq. Matça nəzarəti əvvəldən sona kimi əlimizdə saxladıq. Əslində bu həftə bu oyuna hazırlaşmadıq. Çünki hədəfimiz "Ordu" ilə görüşdür. Ona görə də "Quba" ilə matç qarşıdakı oyuna bir növ hazırlıq idi. Kimin nə deməsindən asılı olmayaraq biz yaxşı komandayıq. Hər keçən gün daha yaxşı olacağıq. Məncə, insanlar bizi tənqid etməmişdən öncə öz komandalarındakı problemləri həll etsinlər. Bu cür manipulyasiyalar bizə motivasiya verir. Oyunçularıma təşəkkürümü bildirirəm, xarakter nümayiş etdirirlər. Məşqlərdə və oyunlarda ən yaxşısını etməyə çalışırlar. Qarşıda kubok görüşümüz var. Həmin oyuna ən yaxşı şəkildə hazırlaşıb, meydana çıxacağıq".

Qeyd edək ki, Gəncə İdman Sarayında keçirilən "Gəncə" - "Quba" görüşü meydan sahiblərinin 96:78 hesablı qələbəsi ilə bitib.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Bakıda COP29-un Liderlər Sammitinin açılış mərasimi keçirilib - YENİLƏNİB-2

Prezident İlham Əliyev Cəbrayıl şəhərində inşa olunan yaşayış kompleksinin açılışında iştirak edib - YENİLƏNİB-2

VII çağırış Milli Məclisin ilk iclası keçirilib, Prezident İlham Əliyev toplantıda iştirak edib və nitq söyləyib - YENİLƏNİB-3