Rəqəmsal texnologiyaların tətbiqi Ümumi Daxili Məhsulun (ÜDM) illik 2-3 % artımını təmin edəcək ki, bu da süni intellektin iqtisadi inkişafda həlledici rolunu müəyyən edir.

“Far.Az”un Qazaxıstan bürosu xəbər verir ki, bunu ölkənin Baş naziri Oljas Bektenov Almatıda keçirilən "Digital Almaty 2025: Industrial AI: yeni era üçün texnologiyalar" mövzusunda Beynəlxalq Rəqəmsal Forumda bildirib.

O qeyd edib ki, cari ildə Astanada Alem.ai Beynəlxalq Süni İntellekt Mərkəzinin açılışı olacaq.

"Bu, aparıcı İT şirkətlərini, tədqiqat laboratoriyalarını, startapları və təhsil proqramlarını birgə həllər hazırlamaq üçün vahid platformada birləşdirməyə imkan verəcək", - O.Bektenov qeyd edib.

Süni intellekt sahəsində mütəxəssislərin hazırlanmasının vacibliyindən danışan Baş nazir bunun Qazaxıstanın strateji prioritetlərindən biri olduğunu vurğulayıb.

"Növbəti 5 ildə dövlət qulluqçuları tam əhatə olunmaqla 1 milyon nəfərin təlimi planlaşdırılır. Bu istiqamətdə iş aparılır. Məsələn, ötən il Qazaxıstanda məşhur fransız pedaqoq Nikolya Sadirakla birgə Tomorrow School süni intellekt məktəbi açılıb", - o bildirib.

O.Bektenov vurğulayıb ki, Qazaxıstanda süni intellektin inkişafı üçün institusional bazanın formalaşdırılması çərçivəsində müvafiq Konsepsiya təsdiqlənib və bu, Milli Süni İntellekt Strategiyasının hazırlanması üçün başlanğıc nöqtəsi olub.

"İnnovasiyalar üçün əlverişli hüquqi mühitin yaradılmasını nəzərdə tutan qanun layihəsi hazırlanıb. Əlavə olaraq, Qazaxıstan Respublikası Prezidenti yanında Süni İntellektin İnkişafı üzrə Şura yaradılır. Bu Şura qabaqcıl texnologiyaların tətbiqi üçün yerli və beynəlxalq ekspertləri bir araya gətirəcək", - o əlavə edib.

Baş nazir həmçinin forum iştirakçılarının diqqətini süni intellektin inkişafının əmək bazarına təsiri ilə bağlı çağırışlara, mütəxəssislərin yenidən hazırlanmasının zəruriliyinə, etika məsələlərinə və texnologiyalara bərabər çıxışın təmin edilməsinə yönəldib.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

AIFC-nin idarəedici direktoru: “Azərbaycan "yaşıl maliyyələşmə" üzrə regional liderə çevrilə bilər” - MÜSAHİBƏ

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

İqtisadi inkişafda davamlı artan rəqabətli iqtisadiyyatın rolu - ANALİZ

2024-cü ilin BOEM reallığı: Azərbaycan "yaşıl enerji"nin inkişafı istiqamətində sıçrayış edir