Azərbaycanda qanunvericilik aktları süni intellektin anlayacağı formatda hazırlanmalıdır.

“Report” xəbər verir ki, bunu Milli Məclisin deputatı Tahir Mirkişili bugünkü plenar iclasında bildirib.

Onun sözlərinə görə, hazırda süni intellekt mövcud qanunvericilik mətnlərini tam anlaya bilmir: "Hüquq, texniki və iqtisadiyyat sahələrində süni intellektin rolunun artması qanunvericilik aktlarının formatında dəyişiklikləri zəruri edir. Bu baxımdan, qanunların həm vətəndaşların, həm də süni intellektin başa düşə biləcəyi iki formatda hazırlanması vacibdir".

T. Mirkişili hesab edir ki, Milli Məclisin bu sahədə müəyyən resursu və təcrübəsi var.

"Texniki imkanları da nəzərə alaraq təklif edirəm ki, Milli Məclis, Nazirlər Kabineti və hökumətin resurslarından istifadə edilməklə bütün qanunvericilik aktlarının, eləcə də bundan sonra qəbul ediləcək qanunların iki formatda – həm təbii, həm də süni intellektin anlayacağı şəkildə hazırlanması üçün addımlar atılsın”, – deyə deputat əlavə edib.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda COP29-un Liderlər Sammitinin iştirakçılarının qarşılanma mərasimi keçirilib - YENİLƏNİB

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Azərbaycanda məhsul və xidmətin qiymətini hansı qurum tənzimləyir?

Klassik avtomobillərin yürüşü və sərgisi keçirilib