Azərbaycan tərəfi bu ilin iyun və avqust aylarında Tacikistanda keçiriləcək beynəlxalq ticarət və qida sənayesi sərgilərində iştiraka dəvət olunub.

Bu barədə "Report" İxracın və İnvestisiyaların Təşviqi Agentliyinə (AZPROMO) istinadən xəbər verir.

Məlumata görə, Azərbaycan–Tacikistan biznes forumu çərçivəsində AZPROMO-nun icraçı direktoru Yusif Abdullayev Tacikistanın Ticarət və Sənaye Palatasının sədri Farxodşox Raxmonalizoda ilə görüşüb.

Görüşdə iki ölkənin biznes dairələri arasında birbaşa təmasların gücləndirilməsi, qarşılıqlı ticarətin artırılması, eləcə də yaradılması planlaşdırılan Azərbaycan–Tacikistan İşgüzar Şurasına dair müzakirə aparılıb. Qeyd edilib ki, Azərbaycan və Tacikistan arasında ticarət dövriyyəsi müsbət dinamika nümayiş etdirir və bu göstərici iqtisadi əməkdaşlığın daha da şaxələndirilməsi üçün əlavə imkanlar yaradır. Bu müstəvidə Azərbaycan məhsullarının, o cümlədən halal məhsulların Tacikistana və Tacikistan vasitəsilə üçüncü ölkə bazarlarına ixrac potensialı yüksək qiymətləndirilib.

Görüşdə həmçinin növbəti dövrdə sərgilərin təşkili və tədbirlərdə birgə iştirak barədə fikir mübadiləsi aparılıb. Tərəflər Tacikistanda keçiriləcək Hökumətlərarası Komissiyanın növbəti iclası çərçivəsində ortaq sərginin təşkili imkanını nəzərdən keçiriblər.

Qeyd edək ki, mayın 21-də Bakıda keçirilən Azərbaycan və Tacikistan arasında ticarət-iqtisadi əməkdaşlıq məsələləri üzrə Birgə Hökumətlərarası Komissiyanın 8-ci iclası çərçivəsində AZPROMO və Tacikistanın Ticarət və Sənaye Palatası arasında İşgüzar Şuranın yaradılması haqqında Anlaşma Memorandumu imzalanıb. Şuranın yaradılmasında məqsəd Azərbaycan və Tacikistanın sahibkarlıq subyektləri arasında müxtəlif sahələrdə qarşılıqlı faydalı iqtisadi-ticarət əməkdaşlığının, investisiyaların, ixracın və elektron ticarətin inkişaf etdirilməsidir.

Oxşar xəbərlər

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib

İlham Əliyev Zəngilanda ilk yaşayış kompleksinə köçən ailələrlə görüşüb

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib