Azərbaycanın Tailanddakı səfiri Elçin Bəşirov Phuket əyalətinin qubernatoru Sophon Suvannaratla turizm sahəsində əlaqələrin inkişaf etdirilməsinin yollarını müzakirə edib.

“Far.Az” xəbər verir ki, bu barədə Azərbaycanın Banqkokdakı diplomatik missiyasının mətbuat xidməti bildirib.

“Tailand Krallığının Phuket əyalətinə səfəri çərçivəsində səfir Elçin Bəşirov Phuket əyalətinin qubernatoru cənab Sophon Suvannarat ilə görüşüb. Görüşdə həmçinin Phuket əyalətinin miqrasiya, polis və turizm qurumlarının rəhbərləri də iştirak ediblər”, – səfirliyin sosial şəbəkə hesabında qeyd olunub.

Görüş zamanı Azərbaycan ilə Phuket əyaləti arasında turizm sahəsində əlaqələrin inkişaf etdirilməsi yolları barədə fikir mübadiləsinin aparıldığı diqqətə çatdırılıb.

Xatırladaq ki, ötən ay azərbaycanlı diplomat Tailand Minatəmizləmə Mərkəzinin baş direktoru Saksit Sanqçanintra ilə görüşmüşdü.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Azərbaycan səfiri Tailand Minatəmizləmə Mərkəzinin başçısı ilə əməkdaşlıq perspektivlərini müzakirə edib

Bakıda COP29-un Liderlər Sammitinin açılış mərasimi keçirilib - YENİLƏNİB-2

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Şimaldan Cənuba, Qərbdən Şərqə uzanan yollar: Azərbaycanın nəqliyyat-logistika sahəsində uğurları