Azərbaycan Vyetnamdan 9 ayda 73 milyon dollarlıq smartfon idxal edib
Azərbaycan 2026-cı ilin yanvar-sentyabr aylarında Vyetnamdan 134,9 milyon dollar dəyərində məhsul idxal edib.
BAKU.WS xəbər verir ki, bu barədə deputat Vüqar Bayramov sosial şəbəkə hesabında paylaşım edib.
Deputatın sözlərinə görə, hesabat dövründə iki ölkə arasında ümumi ticarət dövriyyəsi 136 milyon dollar təşkil edib. Azərbaycan Vyetnamla 641 adda məhsul üzrə ticarət əlaqələri qurub.
İdxal olunan məhsullar arasında smartfonlar xüsusi yer tutur. Belə ki, 9 ay ərzində Vyetnamdan 188 min 684 ədəd smartfon gətirilib. Bunun üçün 73 milyon dollar vəsait ödənilib.
Vyetnamdan idxalda texnika və elektron avadanlıqlar üstünlük təşkil edib. Hesabat dövründə Azərbaycana 4,9 milyon dollar dəyərində məlumat ötürmə və emal qurğuları, 4,6 milyon dollar dəyərində portativ hesablama maşınları, 2,9 milyon dollar dəyərində tozsoran, 2,5 milyon dollar dəyərində məlumat emalı qurğuları və 2,4 milyon dollar dəyərində elektron modullar gətirilib.
Bundan başqa, qulaqcıqlar, printerlər, keşyu fındığı, istiot, ayaqqabı, paltaryuyan maşınlar, dərman vasitələri və dondurulmuş naqqa balığı da idxal olunan məhsullar sırasında olub.
V.Bayramov qeyd edib ki, 2026-cı ilin ilk 9 ayında Azərbaycanın Vyetnama ixracının 90 faizindən çoxunu tütün təşkil edib. Bu ölkəyə 1 milyon dollar dəyərində tütün ixrac olunub. Digər məhsulların ixracı isə nisbətən kiçik həcmdə həyata keçirilib.
Deputat iki ölkə arasında ticarət əlaqələrinin genişləndirilməsi üçün böyük potensialın olduğunu vurğulayıb. Onun fikrincə, Azərbaycan Prezidentinin Vyetnama səfəri iqtisadi əməkdaşlığın inkişafına əlavə təkan verə bilər.
Oxşar xəbərlər
İlham Əliyev İmişlidə "Promalt" MMC-nin arpa emalı müəssisəsinin açılışını edib
20 Sentyabr - Neftçilər Günü münasibətilə tədbir keçirilib
DYMX Neft Emalı Zavodunda yanğın-taktiki təlim keçirib
Prezident İlham Əliyev Bakı Enerji Həftəsinin rəsmi açılış mərasimində iştirak edib
Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3
Ən son xəbərləri bizim
"Facebook" səhifəmizdə izləyin
Digər xəbərlər
-
Livanda "Hizbullah"ın beş üzvü dövlət təhlükəsizliyinə təhdiddə ittiham olunub
-
XİN: Tbilisidə baş vermiş faciəvi partlayış xəbərindən dərin kədər hissi keçiririk
-
Əməkdar artist: Canlandırdığım obrazın daxili dünyasını daha dərindən anlamağa çalışdım
-
"Anthropic"in səhmləri "Nasdaq"da ticarətin ilk günündə 17 % artıb
-
Qarakənd faciəsindən 35 il ötür
-
Uitkoff Berlində Avropa liderləri ilə görüşü məhsuldar adlandırıb













