Parlamentlər arasında əməkdaşlıq qarşılıqlı hörmət və etimada əsaslanmalıdır.

"Far.Az" xəbər verir ki, bununla bağlı Rusiya Federal Məclisi Federasiya Şurasının üzvü Gennadi Ordenov Asiya Parlament Assambleyasının (APA) 15-ci Plenar Sessiyası çərcivəsində Sosial və mədəni məsələlər daimi komitəsinin Milli Məclisdə keçirilən iclasında danışıb.

O qeyd edib ki, APA-da 40-dan çox parlamentari arasında aparılan danışıqlar ölkələr arasında etimadı artıra bilər:

"Biz çoxqütblülüyün güclənməsinə gətirib çıxaran prosesləri müşahidə etməkdəyik. Asiya Parlament Assambleyasının bu proseslərə töhfə verməsi vacibdir. Biz yeni çağırış və təhdidlərin tərəflər arasında konsolidasiyanı zəruri etdiyini başa düşürük".

O vurğulayıb ki, Rusiya bu Assmbleya çərçivəsində əməkdaşlığı alqışlayır:

"Ötən il Moskvada keçirilən görüşün nəticəsində Rusiyanın təşəbbüskar olduğu qətnamə layihəsi və bir sıra qərarlar qəbul edildi. Rusiya bu kimi təşəbbüsləri dəstəkləyir".

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Milli Məclisdə “Parlamentarizm: ənənələr və perspektivlər” mövzusunda Beynəlxalq Parlament Konfransı keçirilib - YENİLƏNİB

Bakıda COP29-un bağlanış plenar sessiyası başa çatıb - YENİLƏNİB-2

Prezident İlham Əliyev Moskvada MDB Dövlət Başçıları Şurasının iclasında iştirak edib - YENİLƏNİB-4

Özbəkistanın mədəniyyət naziri: Xalqlarımızı birləşdirən fundamental dəyər mədəniyyətdir - MÜSAHİBƏ