Google süni intellektlə işləyən Gemini çat-botu üçün yeni bir yeniləmə təqdim edib. "Fərdiləşdirilmiş Gemini" adlanan bu sınaq xüsusiyyəti, istifadəçinin axtarış tarixçəsinə əsaslanaraq daha dəqiq və uyğun tövsiyələr verməyi hədəfləyir.

Far.Az trt haber-ə istinadən xəbər verir ki, Google istifadəçi məxfiliyinin ön planda qalacağını, Gemini-nin axtarış tarixçəsinə və digər tətbiqlərə yalnız icazə alaraq çıxış əldə edəcəyini bildirib. İstifadəçilər istədikləri zaman bu əlaqəni kəsə biləcəklər.

Yeni süni intellekt modeli istifadəçinin keçmiş sorğularını analiz edərək daha dəqiq cavablar təqdim edəcək. Google, önümüzdəki aylarda Gemini-nin Foto, Təqvim, Qeydlər və YouTube kimi tətbiqlərlə inteqrasiya olunacağını açıqlayıb.

Bu yeniləmə ilə istifadəçilər "Tətil üçün haraya getməliyəm?" və ya "YouTube kanalı açmaq istəyirəm, məzmun ideyalarına ehtiyacım var" kimi suallar verdikdə, Gemini onların maraqlarını nəzərə alaraq fərdi tövsiyələr verəcək.

Fərdiləşdirmə xüsusiyyəti ilkin olaraq veb üzərindən Gemini və Gemini Advanced abunəçilərinə təqdim olunacaq. 45-dən çox dili dəstəkləyən bu funksiya gələcəkdə mobil cihazlara da inteqrasiya ediləcək.

Google istifadəçilərin bu xüsusiyyəti Gemini tətbiqi üzərindən aktivləşdirə biləcəyini və Gemini-nin Google xidmətləri arasında qarşılıqlı əlaqəni artıraraq Təqvim və Foto kimi tətbiqlərdə çarpaz funksionallığı yaxşılaşdıracağını bildirib.

Bu yenilik, süni intellekt sahəsindəki artan rəqabət fonunda təqdim edilib və ekspertlər Gemini-nin fərdiləşdirilmiş versiyasının istifadəçi təcrübəsini yeni səviyyəyə yüksəldə biləcəyini düşünür.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

“HONOR”, IFA 2024-də rekord qıran “HONOR Magic V3” ilə gələcəkdə yeni imkanlara qapı açır

HONOR süni zəka əsaslı ekosistemə keçid strategiyasını təqdim edib

“Dövlət informasiya ehtiyatlarının və sistemlərinin Nümunəvi Əsasnaməsi” təsdiq edilib

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4