Amerika Kosmik Agentliyi NASA 22 dekabr 2032-ci ildə 2024 YR4 asteroidinin Ay ilə toqquşma ehtimalının 3,8%-ə yüksəldiyini açıqlayıb.

Far.Az xəbər verir ki, bu barədə agentliyin saytında məlumat verilib.

Bildirilib ki, fevralın əvvəlində bu göstərici 1,7% olub. Asteroidin Yerlə toqquşması ehtimalı 3,1%-dən 0,004%-ə qədər azalıb.

"NASA-nın Yerə Yaxın Obyektlərin Tədqiqi Mərkəzinin mütəxəssisləri 2032-ci il dekabrın 22-də 2024 YR4 asteroidinin Ay ilə toqquşması ehtimalını 3,8 faizə qədər yeniləyiblər", - agentliyin açıqlamasında deyilir.

James Webb teleskopunun köməyi ilə asteroidin ölçüləri dəqiqləşdirilib - diametri 53-67 metrdir. Obyektdə müşahidələrin may ayında davam etdirilməsi planlaşdırılır.

Alimlər əvvəllər göy cisminin Mərkəzi Afrika və ya Atlantik okeanı bölgəsinə düşə biləcəyini, bunun da yerli fəlakətə - böyük dalğalara və hətta sunamiyə səbəb ola biləcəyini bildirmişdilər. Lakin daha dəqiq məlumatlar yalnız 2028-ci ilin sonu və 2029-cu ilin əvvəllərində əldə olunacaq.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Futbol meydançası böyüklüyündə asteroidin Yerlə toqquşması ehtimalı yüksəlib

2024 YR4 asteroidi yerlə toqquşa bilər - NASA tarix verdi

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Bakıda COP29-un Liderlər Sammitinin açılış mərasimi keçirilib - YENİLƏNİB-2