Türkiyədə, Muşun Bilək kəndində heyvanlarını otaran kəndlilər minlərlə yabanı armud ağacının olduğu torpaqda tarixi izləri olan qala xarabalıqlarına rast gəliblər.

Far.Az Türkiyə mətbuatına istinadən xəbər verir ki, təbii bitki örtüyü arasında tapılan tikilinin qədim zamanlarda müdafiə məqsədilə istifadə olunduğu təxmin edilir.

Yerli sakin Şabeddin Çiçək bildirib ki, ora daş atdıqları zaman daşın dibə çatması təxminən iki dəqiqə çəkir.

Aşkar edilmiş ərazidə 110 minə yaxın yabanı armud ağacının olması xüsusilə diqqət çəkib. Kənd sakinləri bu ağacların qəsdən əkildiyini və vaxtilə burada şərab istehsal edildiyini bildiriblər. Qalanın yerləşdiyi marşrutun sağında tarixi Çengili kilsəsi, solunda isə Karakale və Mercimek qala kurqanları yerləşir. Bu, aşkar edilmiş qalanı həm tarixi, həm də arxeoloji baxımdan çox maraqlı edir.

Bilək kəndinin sakinləri qalanın hərtərəfli tədqiq edilməsini və bölgədə arxeoloji qazıntılara başlanılmasını tələb edərək, aparılacaq araşdırmaların həm bölgənin tarixinə işıq salacağına, həm də Muşun mədəni turizminə töhfə verəcəyinə ümidvar olduqlarını bildiriblər.

Qalereya

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Prezident İlham Əliyev XII Qlobal Bakı Forumunun açılış mərasimində çıxış edib

Bakıda 15 marşrut xəttinin fəaliyyəti dayandırılır