Bakının Sabunçu rayonu, Zabrat qəsəbəsində yolların bərbad vəziyyətdə olması sakinlərin gündəlik hərəkətini çətinləşdirib.

Bu barədə Bakı sakini Fatma Novruzova Far.Az-in "qaynar xətti"nə müraciət edərək şikayətini bildirib.

Onun sözlərinə görə, qəsəbədə yolların vəziyyəti olduqca acınacaqlıdır. Sakinlər küçələrdə hərəkət etməkdə, xüsusilə də yolu keçməkdə ciddi çətinliklərlə üzləşirlər.

Şikayətçi qeyd edib ki, mövcud vəziyyət hər kəs üçün narahatlıq yaratsa da, uşaqlar və yaşlı insanlar üçün daha böyük təhlükə mənbəyidir. Yolun yararsız vəziyyətdə olması onların təhlükəsiz hərəkətinə mane olur.

Fatma Novruzova aidiyyəti qurumlardan problemin həllinə diqqət ayrılmasını, Zabrat qəsəbəsində yolların təmir olunmasını və sakinlərin rahat, təhlükəsiz gediş-gəlişinin təmin edilməsini xahiş edib.

Oxşar xəbərlər

Güclü qar Qəbələnin dağlıq kəndlərinə gediş-gəlişi çətinləşdirib

Həyatda yaxşı şeyləri niyə görmürük? - Tanınmış simaların FİKİRLƏRİ

Hər kəs üçün təhsil: İnklüzivliyə dair ilk üçdilli kitab təqdim olundu

Yasamalda bina təhlükə altındadır: Sakinlər ölüm qorxusu ilə yaşayırlar

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3