Rusiya Federal Təhlükəsizlik Xidməti (FSB) Dağıstanda beynəlxalq terror təşkilatının tərəfdarı olan bir qadının Xasavyurt şəhərində hüquq-mühafizə orqanlarının inzibati binası yaxınlığında partlayış törətmək planının qarşısını alıb.

Far.Az xəbər verir ki, FTX-nin İctimaiyyətlə Əlaqələr Mərkəzi məlumat yayıb. 

Məlumata görə, söhbət 59 yaşlı bir qadından gedir. Xüsusi xidmət orqanlarının məlumatına əsasən, o, hüquq-mühafizə orqanlarının binası yaxınlığında əldəqayırma partlayıcı qurğu ilə partlayış törətməyi planlaşdırıb.

FTX bildirib ki, qadının istifadə etdiyi teleqram messencerində onun həmin beynəlxalq terror təşkilatının döyüşçüsü ilə yazışmaları aşkar edilib. Yazışmalarda planlaşdırılan partlayış müzakirə olunub və qadının terror qruplaşmasına sadiqlik andı yer alıb.

Həmçinin, təhlükəsizlik qüvvələri qadının üzərindən əldəqayırma partlayıcı qurğu hazırlamaq üçün komponentlər də götürüblər.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Milli Məclisin parlamentlərarası əlaqələr üzrə işçi qruplarına rəhbərlər seçilib - SİYAHI

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Prezident İlham Əliyev XII Qlobal Bakı Forumunun açılış mərasimində çıxış edib