Son aylarda Azərbaycanda kənd təsərrüfatı məhsullarının, xüsusilə də meyvə-tərəvəzin qiymətində kəskin artım müşahidə olunur.

Bazarlarda həm yerli istehsal olan mövsüm məhsulları əvvəllərlə müqayisədə daha baha qiymətə təklif edilir. Əksər hallarda bahalaşmanın səbəbi kimi iqlim dəyişikliyi, hava şəraiti və məhsuldarlığın aşağı düşməsi göstərilir.

Bəs görəsən həqiqətən də yerli meyvə-tərəvəzin baha satılmağına iqlim təsir edir? 

Məsələ ilə əlaqədar kənd təsərrüfatı üzrə tanınmış ekspert Vahid Məhərrəmov BAKU.WS-ə açıqlama verib.

O, bildirib ki, iqlim dəyişikliyi bütün ölkələrdə eləcə də bizə yaxın olan Özbəkistanda və Gürcüstanda da dəyişib, ancaq onlarda məhsulun miqdarı və keyfiyyəti artıb, bizdə isə əksinə:

"Gilasın və onun timsalında digər kənd təsərrüfatı məhsullarının baha olmağına əsas səbəb işbazlardır. Belə ki, son bir neçə ildə Azərbaycanda işbazlar peyda olub. Onlar məhsulu kəndlidən çox ucuz qiymətə alıb, soyuducu anbarlarda saxlayıb, bazarda məhsul tükənməyə başladıqda baha qiymətə satırlar". 

Ekspertbildiri ki, bu il Qubada uzun müddət yağış yağdı, amma Ağsu və Ağdaşda hava normal idi. Həmin rayonlarda yaxşı məhsul əldə olunub. Bir tərəfdə məhsul olmaması digər tərəflə kompemsasiya edib:

"Hazırda kənd təsərrüfatı məhsullarının bazarlarda baha qiymətə satılması işbazların məhsulu fermerdən ucuz qiymətə alıb, anbarda saxlamasına görədir. Əvvəllər kəndlidən məhsul alan tədarükçülər var idi. Onları sıradan çıxartdılar, daha sonra bu sahəni xüsusi anbarları olan şəxslər bu sahəni ələ aldılar".

Banu Hüseynli

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Prezident İlham Əliyev Cəbrayıl şəhərində inşa olunan yaşayış kompleksinin açılışında iştirak edib - YENİLƏNİB-2

VII çağırış Milli Məclisin ilk iclası keçirilib, Prezident İlham Əliyev toplantıda iştirak edib və nitq söyləyib - YENİLƏNİB-3