Baku TV-nin "COP BAKU" verilişinin növbəti buraxılışında Almaniyada keçirilən Bonn görüşlərində faktiki COP sədri olan Azərbaycanın rolundan və iqlim dəyişikliyi ilə mübarizədə əldə olunan nailiyyətlərdən bəhs olunub.

Bildirilib ki, iyunun 16-da Almaniyanın Bonn şəhərində 198 ölkə, təşkilat, icma və qrupu birləşdirən sözügedən görüşlərin əsas məqsədi 2050-ci ilədək Yer kürəsində temperaturun artım sürətini 1.5 dərəcədə saxlamaq üçün iqlim maliyyəsini növbəti mərhələdə 1.3 trilyon dollara çatdırmaqdır.

Qeyd olunub ki, COP30-a ev sahibliyi edəcək Braziliya müzakirələrin gündəliyinin qəbulu ilə bağlı yaranmış mürəkkəb vəziyyətlə bağlı Azərbaycana yardım üçün müraciət edib. Azərbaycan nümayəndə heyətinin bütün tərəflərlə intensiv danışıqlarından sonra gündəliyin qəbul edilməsinə nail olunub.

Vurğulanıb ki, bütün önəmli müzakirələrin mərkəzində yer alan COP29 sədri Azərbaycan Bonn görüşlərində təkcə danışıqlar aparmayıb, eyni zamanda müxtəlif təşəbbüslərlə problemlərin həllində birbaşa iştirak edib. Bonn görüşləri zamanı əldə olunan nəticələr COP30 üçün önəmli yol xəritəsi kimi qiymətləndirilib.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Milli Məclisin parlamentlərarası əlaqələr üzrə işçi qruplarına rəhbərlər seçilib - SİYAHI

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib