Son illərdə abituriyentlərin ixtisas seçimində ciddi dəyişikliklər müşahidə olunur. Gənclər daha çox perspektivli və texnoloji ixtisaslara üstünlük verir, bu isə bir sıra ənənəvi sahələrə marağın azalmasına səbəb olur.

Mövzu ilə bağlı təhsil eksperti Rizvan Fikrətoğlu BAKU.WS-ə bildirib ki, IT, proqramlaşdırma və kibertəhlükəsizlik kimi sahələr son illərdə ən çox seçilən istiqamətlərə çevrilib:

"2018-2024-cü illər ərzində texnologiya sahəsində iş elanlarının sayı 50%-dən çox artıb. Lakin təəssüf ki, bu tələbi qarşılayacaq qədər məzun yoxdur. Bu səbəbdən bir çox şirkətlər ixtisaslı kadr çatışmazlığı səbəbilə xaricdən mütəxəssis dəvət etmək məcburiyyətində qalırlar."

Ekspertin sözlərinə görə, hüquq, iqtisadiyyat, beynəlxalq münasibətlər və pedaqoji ixtisaslar kimi sahələrə maraq azalıb. Bu isə qəbul ballarının da ilbəil enməsi ilə müşayiət olunur.

Digər tərəfdən, abituriyentlərin daha çox seçdiyi ixtisaslar arasında maliyyə, riyaziyyat müəllimliyi və elektronika mühəndisliyi ön plana çıxır. Rizvan Fikrətoğlu hesab edir ki, bu tendensiya həm əmək bazarındakı tələblərlə, həm də texnoloji dövrün çağırışları ilə bağlıdır.

Şahanə Xankişiyeva

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bəzi ixtisaslar üzrə keçid balı artacaq

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib